زکوڑی گروپ کی سمیدا کے زیر اہتمام ”میڈ اِن پاکستان ایکسپو“ میں شرکت، ZIL کی مصنوعات کی قومی سطح پر نمائش کی۔

زکوڑی گروپ کی شرکت

پشاور /لاہور (ڈیلی پاکستان آن لائن ) زکوڑی گروپ آف کمپنیز نے لاہور میں سمیڈا کے زیر اہتمام منعقدہ ”میڈ اِن پاکستان ایکسپو“ میں شرکت کی اور ZIL کی مصنوعات کی قومی سطح پر نمائش کی۔ زکوڑی گروپ کی جانب سے جاری پریس ریلیز میں کہا گیا ہے کہ ادارہ ہمیشہ ملکی اور بین الاقوامی سطح پر خیبرپختونخوا کی ایک اچھی تصویر پیش کرنے کے حوالے سے پر عزم رہا ہے، جبکہ اس ایکسپو میں شرکت اس عالمی وژن کا حصہ ہے۔

یہ بھی پڑھیں: سینیٹ کی قائمہ کمیٹی کا کرپٹو کونسل پر تحفظات کا اظہار، سوالات اٹھا دیئے

سی ای او کا بیان

سی ای او، زکوڑی گروپ، ایوب خان زکوڑی کا کہنا تھا کہ اس طرح کی نمائشیں انڈسٹری اور کارپوریٹ سیکٹر کو ایک مناسب پلیٹ فارم پر لانے اور نئی پیش رفتوں کے حوالے سے روابط بڑھانے کیلئے انتہائی اہم ہیں۔

ایکسپو کی اہمیت

واضح رہے کہ میڈ اِن پاکستان ایکسپو میں ملک بھر سے صنعتی اور کارپوریٹ سیکٹر کے اداروں نے بڑی تعداد میں شرکت کی اور اپنے سٹالز پر اپنی مصنوعات اور سروسز کی بھر پور نمائش کی، جس نے زندگی کے مختلف شعبوں سے تعلق رکھنے والے افراد کو راغب کیا۔