بس کے اندر قیامت کا سماں تھا، اگلی نشستوں پر بیٹھے لوگ سامنے ونڈ سکرین کے شیشے ٹوٹنے سے لہولہان ہوگئے،موقع ملا میں بھی کھڑکی سے باہر کود گیا۔

اجزاء اور مصنف

مصنف: ع۔غ۔ جانباز
قسط:60

یہ بھی پڑھیں: ایک ماہ گزر چکا ہے کسی کو بھی بشریٰ بی بی سے ملنے کی اجازت نہیں دی جارہی، مریم وٹو

فیلڈ ورک کا آغاز

آٹھویں دن لاہور سے آفیسر انچارج محمد فاروق صاحب کام کی پڑتال کے لیے تشریف لائے تو مجھ سے پوچھا کہ "فیلڈ ورک کی کچھ سوجھ بوجھ ہوئی ہے؟" میں نے جب تفصیل بتائی تو وہ خاموش ہی رہے۔ کھانا کھا کر اُن کے ساتھ ہم فیلڈ میں گئے۔ تو وہاں انہوں نے بڑی تفصیل سے مجھے کام کے بارے میں بتایا۔ اور کہا کہ آہستہ آہستہ سارے کام کی سمجھ آجائے گی، گھبرانے کی ضرورت نہیں۔

یہ بھی پڑھیں: ایس او ٹی ایونٹس 2024 کا کراچی میں آغاز

نئے ریکروٹس اور ماحول کی تبدیلی

چند روز میں کچھ اور نئے ریکروٹس بھی آگئے تو ماحول میں کچھ تبدیلی رونما ہوگئی اور "بھامنیر" کی دی ہوئی خاموشی جاتی رہی اور ماحول میں ایک زندگی لوٹ آئی۔ اب "بھامنیر" بھی اپنے پسندیدہ موضوع پر سیر حاصل لیکچر دینے لگے تھے۔ اپنی عاشقی کے قصّے سناتے۔

یہ بھی پڑھیں: یو این سیکریٹری جنرل اور صحافیوں کی عالمی تنظیم CPJ کی ایرانی ٹی وی چینل پر حملے کی مذمت

زندگی کا مختصر جائزہ

8 ماہ کا عرصہ چند دن لاہور میں اور پھر باقی مہینہ فیلڈ میں گزرتا رہا۔ زندگی میں کافی حد تک ٹھہراؤ آگیا تھا۔ سب ساتھی جن میں غلام شبیر بھٹی، چوہدری محمد علی، بھاپا لاہوری اور محمد سعید (شیدا) بڑے پیارے دوست تھے۔ لاہور میں قیام کے دوران دفتر میں پچھلی طرف تجرباتی پلاٹوں کے بیچوں بیچ رہائش کرلیا کرتے تھے۔

یہ بھی پڑھیں: کراچی میں فرقہ وارانہ ٹارگٹ کلنگ میں ملوث کالعدم تنظیم کے 4 دہشت گرد گرفتار

ریسرچ اسسٹنٹ کی تعیناتی

جان بچی سو لاکھوں پائے
1953ء میں بی ایس سی کرنے کے بعد میری تعیناتی بطور ریسرچ اسسٹنٹ "لینڈ ریکلمیشن ڈیپارٹمنٹ پنجاب" میں ہوگئی۔ ڈیوٹی جوائن کرنے کے بعد رہائش اپنے ایک دور کے رشتہ دار ماسٹر عبد الغفور کے ہاں اختیار کرلی۔ 3 ماہ ڈیوٹی دے کر دل چاہا کہ ایک دفعہ والدین سے مل آؤں تو بادامی باغ بس کے اڈہ پر جا پہنچا۔

یہ بھی پڑھیں: امریکی اٹارنی جنرل پام بونڈی کو عہدے سے ہٹا دیاگیا

بس کا حادثہ

لائل پور (اب فیصل آباد) جانے والی بس کا ٹکٹ لے کر سوار ہوگیا۔ گاڑی کے کھچا کھچ بھرنے سے پہلے ہی بس چل دی۔ ساتھ ہی سیٹ پر بیٹھے دیال سنگھ کالج کے پروفیسر جن کا نام نامی اب ذہن سے محو ہوچکا ہے تبادلۂ خیال جاری رہا۔
بس شیخوپورہ شہر سے پہلے گول چکّر سے گھوم کر لائل پور اب فیصل آباد پر فراٹے بھرنے لگی۔ گو گرمی کا موسم تھا لیکن بس کی کھڑکیوں سے آنے والی ہوا اِس شدت کو برابر کم کیے جا رہی تھی۔ بھکھیّ موڑ سے یہی کوئی 2 میل (اب کلو میٹر) آگے بس یک دم بائیں طرف ایک زبردست جھٹکا لگا کر اُلٹ گئی۔ بس کی چھت نیچے تھی اور پہیے اوپر۔

یہ بھی پڑھیں: فلپائن میں ایچ آئی وی کے کیسز 500 فیصد بڑھ گئے، طبی ہنگامی حالت نافذ

حالت اور بے چینی

بس کے اندر قیامت کا سماں تھا۔ اگلی نشستوں پر بیٹھے لوگ سامنے ونڈ سکرین کے شیشے ٹوٹنے سے لہولہان ہوگئے۔ کچھ اُن شیشوں میں پھنس کر رہ گئے۔ پچھلی ایک طرف کی سیٹیں اپنی جگہ سے اُکھڑ کر بمعہ مسافر دوسری طرف سیٹوں پر ڈھیر ہوئیں۔ چند ایک سیٹیں تھیں جو اپنی جگہ پر قائم رہیں اُن میں خوش قسمتی سے ایک میری سیٹ بھی تھی۔

یہ بھی پڑھیں: توشہ خانہ ٹو کیس میں بانی پی ٹی آئی عمران خان اور ان کی اہلیہ بشریٰ بی بی کو 17، 17 سال قید کی سزا سنا دی گئی۔

بچنے کی کوشش

میں مخبوط الحواَس سا بیٹھا اپنے ماتھے پر خون کے قطروں جو شیشے کی چھوٹی چھوٹی کنکروں کے لگنے سے پیدا ہوئے تھے، دیکھ کر دل میں کہہ رہا تھا کہ یہ پسینہ کے قطرے ہیں۔
چاروں طرف بس سے باہر نکلنے کی اندھا دھند کوشش جاری تھی۔ ونڈ سکرین جو ٹوٹ پھوٹ کر ایک نوکدار شیشے کا ڈھانچہ بن چکا تھا لوگوں نے اُس میں سے گذر کر باہر نکلنے کی کوشش کی اور بس خون کی دھاریں اُن کا مقدر بنیں اور کئی سانس کی ڈوری وہیں توڑ چکے تھے۔

یہ بھی پڑھیں: خلیجی ممالک پر حملوں کی نئی لہر، دبئی اور کویت ایئرپورٹ پرڈرون حملے

نجات کی لمحہ

میرے قریب واقع کچھ لوگوں نے کھڑکی کھول لی اور وہاں سے چھلانگیں لگانے لگے۔ میں بھی وقفہ کی تاڑ میں تھا جونہی موقع ملا میں بھی کھڑکی سے باہر کود گیا۔ ظاہر ہے میں چت لیٹا ہوا تھا پھر آہستہ آہستہ میں نے بیٹھنے کی کوشش کی۔ پھر کچھ دیر بیٹھ کر کھڑے ہونے کی کوشش کی تو میں وہیں کھڑا بھی ہوگیا۔ اب مزید دل کی تسلی کے لیے میں پاؤں سے شروع کر کے ٹانگوں، کمر، پیٹ، بازو اور سر کو ٹٹولتا چلا گیا۔ مجھے سب ٹھیک لگا سوائے ماتھے پر شیشے کے ٹکڑے لگنے سے ہلکے ہلکے سے زخم تھے اور خون تھا۔ بہرحال میرا دل مطمئن ہوگیا کہ اللہ کے کرم سے صحیح سلامت بچ گیا ہوں۔(جاری ہے)