سوڈان، بازار پر ڈرون حملے میں 28 افراد ہلاک

ڈرون حملے میں ہلاکتیں

خرطوم (ڈیلی پاکستان آن لائن) سوڈان کے وسطی علاقے میں ایک مصروف بازار پر ڈرون حملے میں 28 افراد ہلاک ہو گئے ہیں۔ ملک میں فوج اور اس کی حریف نیم فوجی تنظیم آر ایس ایف کے درمیان جاری جنگ میں فضائی حملوں کا تبادلہ شدت اختیار کر گیا ہے۔

یہ بھی پڑھیں: اگلا پڑاؤ اسوان ڈیم تھا جس پر مصری بہت فخر کرتے ہیں اور ہر ایک کے سامنے اس کا تذکرہ کرکے خوشی محسوس کرتے ہیں، یہ ڈیم جون 1970ء میں مکمل ہوا

حملے کی تفصیلات

حقوق انسانی کی نگرانی کرنے والے گروپ ایمرجنسی لائرز کے مطابق یہ حملہ اتوار کے روز شمالی کردفان کے قصبے سوداری کے قریب الواقع السفیہ مارکیٹ پر کیا گیا، جو اس وقت نیم فوجی فورس کے کنٹرول میں ہے۔ تنظیم کا کہنا ہے کہ متعدد ڈرونز نے بازار کو اس وقت نشانہ بنایا جب وہاں شہریوں کا غیر معمولی رش تھا، جن میں خواتین، بچے اور بزرگ بھی شامل تھے۔ ہلاکتوں کی تعداد ابتدائی بتائی گئی ہے اور خدشہ ظاہر کیا جا رہا ہے کہ اموات میں اضافہ ہو سکتا ہے۔

جنگ کی شدت

اے ایف پی کے مطابق گروپ نے یہ واضح نہیں کیا کہ حملہ کس فریق کی جانب سے کیا گیا، تاہم یہ واقعہ ایسے وقت پیش آیا ہے جب Sudanese Armed Forces اور Rapid Support Forces کے درمیان تین سال سے جاری جنگ اپنے انتہائی خطرناک مرحلے میں داخل ہو چکی ہے۔