اگر ہمارے مطالبات تسلیم نہیں کیے جاتے تو۔۔۔؟ اپوزیشن اتحاد نے پارلیمنٹ ہاؤس میں دھرنا جاری رکھنے سے متعلق اپنا فیصلہ سنا دیا

اپوزیشن اتحاد کا دھرنا جاری رکھنے کا فیصلہ

اسلام آباد ( ڈیلی پاکستان آن لائن ) اپوزیشن اتحاد نے پارلیمنٹ ہاؤس میں دھرنا جاری رکھنے سے متعلق اپنا فیصلہ سنا دیا۔

یہ بھی پڑھیں: برطانوی وزیراعظم سر کیئر اسٹارمر کا 4 لڑاکا طیارے ٹائفون قطر بھیجنے کا اعلان

دھرنے کا مقصد

تفصیلات کے مطابق اپوزیشن اتحاد تحریک تحفظ آئین پاکستان نے بانی پی ٹی آئی عمران خان کو طبی سہولیات فراہم کرنے کے لیے پارلیمنٹ ہاؤس میں دھرنا جاری رکھنے کا فیصلہ کیا ہے۔

یہ بھی پڑھیں: جین تھراپی کا کرشمہ: ایک انجیکشن سے بہرے بچے سننے لگے

اپوزیشن رہنماؤں کے بیانات

’’جیو نیوز‘‘ کے مطابق، سینیٹ میں اپوزیشن لیڈر علامہ راجہ ناصر عباس نے کہا ہے کہ جب تک ہمارے کسی عہدیدار کی عمران خان سے ملاقات نہیں ہوجاتی، دھرنا جاری رکھا جانا چاہیے۔

قومی اسمبلی میں اپوزیشن لیڈر محمود اچکزئی نے بھی کہا کہ ہمارا دھرنا جاری ہے۔

پی ٹی آئی کے سیکرٹری جنرل سلمان اکرم راجہ نے کہا کہ جب تک عمران خان سے کوئی پارٹی عہدیدار نہیں ملتا ہم دھرنا جاری رکھیں گے۔

یہ بھی پڑھیں: میکرون کی بیوی ان کے ساتھ برا سلوک کرتی ہیں اب بھی وہ دائیں جبڑے کی تکلیف سے باہر نکل رہے ہیں۔ ٹرمپ کا طنز

اپوزیشن کی میٹنگ

پارلیمنٹ ہاؤس میں میڈیا سے گفتگو کرتے ہوئے اسد قیصر نے بتایا کہ آج اپوزیشن کی میٹنگ میں علامہ ناصرعباس اور بیرسٹر گوہر نے پارلیمنٹیرینز کو بریف کیا، پارٹی کی مرکزی قیادت کی مشاورت جاری ہے۔

ہمارا مطالبہ ہے کہ بانی پی ٹی آئی سے اپنے معالج کی ملاقات کروائی جائے، اگر ہمارے مطالبات تسلیم نہیں کیے جاتے تو دھرنا مسلسل جاری رہے گا۔

یہ بھی پڑھیں: ملکی زرمبادلہ کے ذخائر میں 2 کروڑ 20 لاکھ ڈالر کا اضافہ

خیبرپختونخوا کے رہنما کا بیان

سابق وزیر اعلیٰ خیبر پختونخوا علی امین گنڈاپور نے کہا کہ خیبرپختونخوا ہاؤس کے باہر بھی پی ٹی آئی رہنما دھرنا جاری رکھیں گے۔

یہ بھی پڑھیں: قطر سے سپلائی مکمل بند، ملک میں کب سے ایل این جی دستیاب نہیں ہو گی؟ جانیے

احتجاج کا چوتھا دن

خیال رہے کہ بانی پی ٹی آئی عمران خان کی اسپتال منتقلی کے معاملے پر اپوزیشن اتحاد کے احتجاج کا آج چوتھا روز ہے۔

اپوزیشن رہنماؤں کی جانب سے پارلیمنٹ ہاؤس اور کے پی ہاؤس میں دھرنے جاری ہیں۔

عمران خان کی طبی رپورٹ

دوسری جانب بانی پاکستان تحریک انصاف (پی ٹی آئی) عمران خان کے آنکھوں کے معائنہ سے متعلق میڈیکل رپورٹ سامنے آگئی۔

رپورٹ کے مطابق بانی پی ٹی آئی کا معائنہ 15 فروری 2026 کو کیا گیا، پروفیسرز پر مشتمل ماہر امراضِ چشم کے میڈیکل بورڈ نے معائنہ کیا، میڈیکل بورڈ میں الشفاء ٹرسٹ آئی اسپتال کے پروفیسر ڈاکٹر ندیم قریشی اور پمز اسلام آباد کے پروفیسر ڈاکٹر محمد عارف خان شامل تھے۔