پیپلزپارٹی کے اعلیٰ سطح کے وفد کی مولانا فضل الرحمان سے ملاقات

وفد کی ملاقات

اسلام آباد (ڈیلی پاکستان آن لائن) پاکستان پیپلز پارٹی کے وفد نے جمعیت علمائے اسلام کے سربراہ مولانا فضل الرحمان سے ملاقات کرکے آئینی ترامیم، آئینی عدالت اور دیگر سیاسی معاملات پر تبادلہ خیال کیا۔

یہ بھی پڑھیں: پی ٹی آئی انٹراپارٹی الیکشن فیصلے کیخلاف نظرثانی درخواست؛حامد خان نے لارجر بنچ کی استدعا کردی

ملاقات کے بعد پیپلز پارٹی کا بیان

ڈان نیوز کے مطابق ملاقات کے بعد پیپلز پارٹی کی رہنما سینیٹر شیری رحمان نے کہا کہ عدالتی اصلاحات اور آئینی عدالت کے قیام پر تمام سیاسی جماعتوں سے بات ہو رہی ہے۔ انہوں نے کہا کہ مولانا فضل الرحمان کے ساتھ ہمیشہ اچھی ملاقات رہی، کوشش ہے کہ عدالتی اصلاحات کے معاملے پر اتفاق رائے پیدا کریں۔

بلاول بھٹو اور نواز شریف کی ملاقات

واضح رہے اس سے قبل پاکستان پیپلزپارٹی کے چیئرمین بلاول بھٹو اور مسلم لیگ (ن) کے صدر نواز شریف نے اسلام آباد میں ملاقات کی تھی جس کے دوران ملکی سیاسی صورتحال، آئینی عدالتوں اور عدالتی اصلاحات سے متعلق آئینی ترامیم کے حوالے سے تجاویز پر مشاورت کی گئی تھی۔ بلاول بھٹو اور نواز شریف کی ملاقات کے دوران پیپلزپارٹی کے وفد میں یوسف رضا گیلانی، راجا پرویز اشرف، شیری رحمان شامل تھیں جب کہ مسلم لیگ (ن) کے وفد میں احسن اقبال، عرفان صدیقی، رانا ثنااللہ اور مرتضیٰ عباسی موجود تھے۔