چیک باؤنس کیس: بالی ووڈ اداکارراجپال یادو کو جیل سے رہا کر دیا گیا
راجپال یادو کو دہلی ہائی کورٹ سے ریلیف
ممبئی (ڈیلی پاکستان آن لائن) 9 کروڑ بھارتی روپے کے چیک باؤنس کیس میں حکام کے سامنے خود سپردگی کے چند روز بعد بالآخر بالی وڈ اداکار راجپال یادیو کو دہلی ہائی کورٹ سے بڑا ریلیف مل گیا ہے۔
یہ بھی پڑھیں: بونڈائی بیچ کے حملہ آور نومبر میں بھارتی پاسپورٹ پر منیلا پہنچے تھے: فلپائنی حکومت
ضمانت کی درخواست پر سماعت
54 سالہ اداکار، جو دہلی کی تہاڑ جیل میں قید تھے، ان کی ضمانت کی درخواست پر آج سماعت ہوئی۔ پیر کے روز دہلی ہائیکورٹ کی جسٹس سوارنا کانتا شرما نے سماعت کرتے ہوئے راجپال یادو کو عبوری ضمانت دیتے ہوئے حکم دیا کہ وہ دوپہر 3 بجے تک ڈیڑھ کروڑ جمع کرائیں۔
یہ بھی پڑھیں: سی سی ڈی نے 3 بیٹوں، داماد اور بھائی کو جعلی مقابلے میں قتل کردیا، خاتون عدالت پہنچ گئی
مدعی کمپنی کا موقف
مدعی کمپنی ایم/ایس مرلی پروجیکٹس کے وکیل کی جانب سے تصدیق کے بعد کہ اداکار نے باؤنس ہونے والے چیک کی مد میں مقررہ رقم کمپنی کے بینک اکاؤنٹس میں جمع کرا دی ہے، عدالت نے ضمانت منظور کر لی۔
یہ بھی پڑھیں: ڈیلما پیڈ آؤٹ ڈور ٹیپ بال کرکٹ ٹورنامنٹ کا شاندار اختتام
عدالتی حکم
عدالتی حکم کے مطابق راجپال یادو 18 مارچ تک جیل سے باہر رہیں گے، اور اس دوران انہیں باقی ماندہ واجب الادا رقم ادا کرنا ہوگی۔
یہ بھی پڑھیں: آج بھی مل بیٹھتے ہیں تو اُس دور کی یادیں دوڑی چلی آتی ہیں، بس ایک کسک رہتی ہے کہ کچھ چہرے جو ہمیشہ مسکراتے تھے اب ابدی گھروں کو جا چکے ہیں
معاملے کی تاریخ
واضح رہے کہ یہ معاملہ 2010 میں شروع ہوا تھا، جب راجپال یادو نے اپنی ہدایت کاری میں بننے والی فلم ‘آتا پتا لاپتا’ کے لیے مرلی پروجیکٹس پرائیویٹ لمیٹڈ سے قرض لیا تھا، جسے ان کی اہلیہ نے پروڈیوس کیا تھا۔ فلم کی ناکامی کے بعد مالی مشکلات بڑھیں اور واجبات 9 کروڑ تک جا پہنچے۔
یہ بھی پڑھیں: عمر ایوب اور شبلی فراز نے پارٹی عہدوں سے استعفے دے دیے، نجی نیوز چینل کا دعویٰ
قید کی سزا
2018 میں دہلی کی ایک عدالت نے اداکار اور ان کی اہلیہ کو قصوروار ٹھہراتے ہوئے راجپال یادو کو چھ ماہ قید کی سزا سنائی، جسے اگلے سال برقرار رکھا گیا۔
یہ بھی پڑھیں: کمشنر سیسی کا سائٹ ایسوسی ایشن آف انڈسٹری کا دورہ، ری ایمبرسمنٹ کیسز حل کرنے،گورننس بہتر بنانے پر زور
ہائی کورٹ کا فیصلہ
بعد ازاں جون 2024 میں ہائی کورٹ نے سزا عارضی طور پر معطل کرتے ہوئے اداکار کو تنازع کے حل کے لیے “سنجیدہ اور مخلصانہ اقدامات” کرنے کی ہدایت کی تھی۔
خود سپردگی کا حکم
تاہم رواں ماہ عدالت نے یہ مؤقف اختیار کیا کہ اداکار بار بار ادائیگی کے وعدے پورے کرنے میں ناکام رہے، جس کے بعد انہیں خود سپردگی کا حکم دیا گیا۔ راجپال یادو نے 5 فروری کو تہاڑ جیل میں خود کو حکام کے حوالے کیا تھا۔
