عظمیٰ بخاری کا مزمل اسلم کے بیان پر ردعمل آ گیا

پنجاب کی وزیرِ اطلاعات کا خیبر پختونخوا کے مشیر خزانہ پر ردعمل

لاہور (ڈیلی پاکستان آن لائن) وزیرِ اطلاعات پنجاب عظمیٰ بخاری کا مشیر خزانہ خیبر پختونخوا مزمل اسلم کے بیان پر ردعمل آگیا۔

سڑکوں کی بندش کا مسئلہ

تفصیلات کے مطابق، وزیرِ اطلاعات پنجاب عظمیٰ بخاری نے کہا ہے کہ خیبر پختونخوا میں 5 روز سے صوبے کی مختلف سڑکیں بند ہیں۔ کے پی میں سڑکوں کی بندش کی وجہ سے کئی ایمبولینس ٹریفک میں پھنس چکی ہیں۔ کے پی حکومت کی سرپرستی میں لوگوں کی جانیں ضائع ہو رہی ہیں۔ ان کا مزید کہنا تھا کہ کے پی حکومت کی رٹ پشاور میں نہیں، مردان، چترال اور کرم تو دور کی بات ہیں۔

کے پی حکومت کی ترجیحات

عظمیٰ بخاری نے مزید کہا کہ کے پی حکومت کے لیے بانیٔ پی ٹی آئی کے نام پر جلسے اور سڑکیں بند کرنا اہمیت رکھتا ہے۔ افراد کی جانیں بچانا اور مسائل حل کرنا کے پی حکومت کی ترجیحات نہیں ہیں۔

سیاسی میدان میں مقابلہ

بخاری نے کہا کہ مریم نواز سے کارکردگی میں مقابلہ کرنے کا آپ سوچ بھی نہیں سکتے۔ جھوٹے بیانیے اور پروپیگنڈے کی ناکامی کے بعد اب آنکھ کارڈ کھیلا جا رہا ہے، بانیٔ پی ٹی آئی کو گھڑی اور اس کی سوئیاں بھی دکھ رہی ہیں۔