بھارتی ٹک ٹاکر کو ریل بنانے کیلئے بائیک اسٹنٹ اور چلتی بسوں کے دروازے کھولنا مہنگا پڑ گیا، ویڈیو وائرل
نو جوان کی گرفتاری
نئی دہلی(ڈیلی پاکستان آن لائن) بھارتی دارالحکومت دہلی کی پولیس نے ایک 22 سالہ نوجوان کو مصروف شاہراہ پر خطرناک بائیک اسٹنٹ کرنے اور سوشل میڈیا کے لیے ریلز بنانے کے دوران عوامی سلامتی کو خطرے میں ڈالنے کے الزام میں گرفتار کر لیا۔
یہ بھی پڑھیں: جناح ہاؤس حملہ کیس: شاہ ریز کی درخواست ضمانت پر فیصلہ محفوظ
ملزم کی شناخت
بھارتی میڈیا کے مطابق ملزم کی شناخت تشار پونیا کے نام سے ہوئی ہے جس کی 16 فروری کو سوشل میڈیا پر ایک ویڈیو وائرل ہوئی تھی۔
یہ بھی پڑھیں: ایل او سی پر بھارت کے 50 کے قریب فوجی مارے : وزیر اطلاعات
خطرناک ویڈیو
ویڈیو میں یہ نوجوان بغیر رجسٹریشن نمبر پلیٹ کے موٹر سائیکل چلاتے اور چلتی گاڑیوں اور بسوں کے دروازے کھولتا ہوا نظر آیا تھا۔
یہ بھی پڑھیں: خطے میں امن کے خواہاں، قطر کی ریاست پر سفارتی آداب کی خلاف ورزی ہے،قطری وزیراعظم
پولیس کارروائی
सड़क नियमों को ताक पर रखने वालों के खिलाफ कार्रवाई।
वायरल वीडियो पर संज्ञान लेते हुए थाना न्यू उस्मानपुर ने न्याय संहिता की धारा 281 और MV एक्ट के तहत स्टंटबाजों के खिलाफ कसा सिकंजा। #DPUpdates#ViralVideo pic.twitter.com/FociYbmmve
— Delhi Police (@DelhiPolice) February 17, 2026
پولیس نے ویڈیو کا نوٹس لیتے ہوئے نوجوان کے خلاف مقدمہ درج کیا اور تفتیش شروع کر دی، سی سی ٹی وی فوٹیج اور وائرل ویڈیو کے تجزیے کے بعد ملزم کو ٹریس کر کے گرفتار کر لیا گیا۔
یہ بھی پڑھیں: ابراہیم علی خان نے پلک تیواری کیساتھ افیئر پر خاموشی توڑ دی
موٹر سائیکل کی بازیابی
واردات میں استعمال ہونے والی موٹر سائیکل بھی برآمد کر لی گئی ہے۔
یہ بھی پڑھیں: خاتون مریضہ کی زبان سے زبان لگا کر چیک اپ کرنے والا ڈاکٹر گرفتار
پولیس کا بیان
پولیس کا کہنا ہے کہ ملزم نے شناخت سے بچنے کے لیے جان بوجھ کر موٹر سائیکل کی نمبر پلیٹ ہٹا رکھی تھی۔
سی سی ٹی وی فوٹیجز
بھارتی میڈیا کے مطابق سی سی ٹی وی فوٹیجز میں نوجوان کو ٹریفک کے درمیان خطرناک انداز میں بائیک چلاتے اور گاڑیوں کے دروازے اچانک کھولتے دیکھا گیا تھا جس سے ناصرف اس کی بلکہ دیگر مسافروں کی جان کو بھی شدید خطرہ لاحق تھا۔
