شیر افضل مروت کا سہیل آفریدی سے دوبارہ ہاتھ نہ ملانے کا اعلان

شیر افضل مروت کا بیان

اسلام آباد (ڈیلی پاکستان آن لائن) شیر افضل مروت نے کہا ہے کہ وہ نہ کبھی سہیل آفریدی کے پیچھے گئے ہیں اور نہ ہی انہیں ایسا کرنے کی ضرورت ہے۔

یہ بھی پڑھیں: بڑے سیلابی ریلے کے باعث زرعی املاک کو نقصان اور سڑکوں کی تباہی

ملاقات کی تفصیلات

نجی ٹی وی چینل 24 نیوز کے مطابق اپنے ایک بیان میں انہوں نے کہا کہ وہ علی امین گنڈاپور سے ملاقات کے بعد واپس جا رہے تھے کہ اس دوران سہیل آفریدی اور دیگر افراد وہاں موجود تھے۔

یہ بھی پڑھیں: جنگ کے باعث کراچی ایئرپورٹ پر پھنسے بھارتی مسافر وں کو روانہ کر دیا گیا

مصافحہ اور روایتی اقدار

انہوں نے روایت اور اقدار کے تحت سب سے مصافحہ کیا اور چائے و کھانے کی دعوت بھی دی تاہم انہیں اندازہ نہیں تھا کہ ان کا ظرف اتنا چھوٹا ہے۔

یہ بھی پڑھیں: پاکستان کے آپریشنز کا دورانیہ افغان طالبان حکومت کے زمینی اقدامات پر منحصر ہوگا، ہم کسی جلد بازی میں نہیں: سینئر سیکیورٹی عہدیدار

سہیل آفریدی کی تشویش

شیر افضل مروت کا کہنا تھا کہ سہیل آفریدی پاکستان تحریک انصاف کے سوشل میڈیا سے ڈرتے ہیں اور یہ سمجھتے ہیں کہ اگر وہ علی امین گنڈاپور کے ساتھ بیٹھیں گے تو انہیں تنقید کا سامنا کرنا پڑے گا۔ انہوں نے مزید کہا کہ آئندہ وہ ان سے ہاتھ نہیں ملائیں گے۔

یہ بھی پڑھیں: خیبر پختونخوا میں کچھ ایسی خطرناک ہائی ویز ہیں جہاں طالبان آتے ہیں، آئی جی خیبر پختونخوا کا انکشاف

پارلیمنٹ ہاؤس کا واقعہ

واضح رہے کہ پارلیمنٹ ہاؤس کے باہر اپوزیشن کے دھرنے میں شیر افضل مروت کی انٹری نے سب کو چونکا دیا تھا، ان کی آمد پر صورتِحال میں اچانک کشیدگی دیکھنے میں آئی، جبکہ وزیرِاعلیٰ خیبرپختونخوا سہیل آفریدی شیر افضل مروت کو دیکھ کر کرسی چھوڑ کر چلے گئے تھے۔

میڈیا سے گفتگو

شیرافضل مروت نے بعد میں میڈیا سے گفتگو میں کہا تھا کہ وہ صرف علی امین گنڈاپور سے ملنے آئے تھے۔ انہوں نے کہا کہ وہ ان لوگوں کے ساتھ کھڑے ہوتے ہیں جو دوستی نبھانا جانتے ہیں اور بڑے عہدے انسان کو بڑا نہیں بناتے بلکہ بڑا ظرف انسان کو بڑا بناتا ہے۔