امریکی صدر ڈونلڈ ٹرمپ کی رمضان المبارک کی آمد پر دنیا بھر کے مسلمانوں کو مبارکباد، خصوصی پیغام جاری

صدر ٹرمپ کا رمضان المبارک پر مبارکباد کا پیغام

واشنگٹن (مانیٹرنگ ڈیسک) امریکہ کے صدر ڈونلڈ ٹرمپ نے رمضان المبارک کی آمد پر دنیا بھر کے مسلمانوں کو مبارکباد پیش کی ہے۔

یہ بھی پڑھیں: پاکستان اور روس کے درمیان مال بردار ٹرین چلانے کی تیاریاں آخری مراحل میں

وائٹ ہاؤس کا خصوصی پیغام

رمضان المبارک کی آمد پر وائٹ ہاؤس کی آفیشل ویب سائٹ پر ایک خصوصی پیغام جاری کیا گیا ہے۔ اس پیغام میں ڈونلڈ ٹرمپ کی جانب سے تمام مسلمانوں کو ماہِ مبارک کی آمد پر مبارکباد دی گئی ہے۔

یہ بھی پڑھیں: اسلام آباد ہائیکورٹ کا ذوالفقار بھٹو میڈیکل یونیورسٹی کو 2ہفتوں میں ایم ڈی کیٹ امتحان لینے کا حکم

روحانی تجدید اور مشترکہ اقدار

تفصیلات کے مطابق وائٹ ہاؤس کی ویب سائٹ پر امریکی صدر کی جانب سے جاری کردہ بیان میں لکھا ہے کہ ہر رمضان روحانی تجدید اور خدا کی ان گنت نعمتوں کا شکر ادا کرنے کا وقت ہوتا ہے اور بہت سے امریکی شہریوں کے لیے یہ مقدس وقت نماز اور روزے پر زور دیتا ہے۔ رمضان رشتوں کو مضبوط بناتا ہے، ہمدردی اور عاجزی کی ہماری مشترکہ اقدار کی تصدیق کرتا ہے۔

یہ بھی پڑھیں: تیراہ سے نقل مکانی پر وفاقی حکومت صوبائی حکومت کو موردِ الزام ٹھہرانے کے بجائے اپنی ناکامیوں کا کھلے دل سے اعتراف کرے،اسد قیصر

مذہبی آزادی کا حق

’’جنگ‘‘ کے مطابق امریکی صدر کے بیان میں لکھا ہے کہ آزادی سے عبادت کرنے کا خدا کا دیا ہوا حق ہماری قوم کی پہچان اور ہماری خوشحالی اور طاقت کا ستون ہے۔ اسی وجہ سے ہر روز، میری انتظامیہ اس بات کو یقینی بنا رہی ہے کہ تمام شہری اپنے عقائد کے مطابق آزادی سے عبادت کر سکیں کیونکہ مذہبی آزادی کا مطلب یہ ہے کہ اپنے مذہب پر کسی بھی ظلم و ستم کے خوف کے بغیر عمل کیا جا سکے۔

خوشیوں اور امن کی دعا

ٹرمپ کے بیان میں یہ بھی کہا گیا ہے کہ میں اس پر وقار اور خیر سگالی کے وقت پوری دنیا میں خوشیوں، برکتوں، اتحاد اور امن کے قیام کے لیے دعا گو ہوں۔