شروع میں وکٹ آسان نہیں تھی تو کپتان کو بتایا کہ پہلے نارمل کرکٹ کھیلنی ہے اور پھر میں اپنے انداز میں کھیلوں گا، صاحبزادہ فرحان کی پچ پر سلمان آغا سے بات چیت

پلیئر آف دی میچ کا اعزاز

(ڈیلی پاکستان آن لائن) ٹی ٹوئنٹی ورلڈ کپ کے میچ میں نمیبیا کے خلاف شاندار سنچری بنانے پر صاحبزادہ فرحان کو پلیئر آف دی میچ قرار دیا گیا۔ انہوں نے 58 گیندوں پر ناقابلِ شکست 100 رنز کی اننگز کھیلی، یہ ان کے ٹی20 انٹرنیشنل کیریئر کی پہلی سنچری ہے، جبکہ 2025 سے اب تک مجموعی طور پر ٹی20 کرکٹ میں ان کی یہ پانچویں سنچری ہے۔

یہ بھی پڑھیں: متنازع ٹویٹ کیس، ایمان مزاری اور ہادی علی چٹھہ کے لیے اسٹیٹ کونسل مقرر

وسیم اکرم کی موجودگی

میچ کے بعد پریزنٹیشن تقریب میں لیجنڈری فاسٹ بولر وسیم اکرم نے گفتگو کا ترجمہ کرتے ہوئے فرحان کے خیالات ناظرین تک پہنچائے۔

یہ بھی پڑھیں: پاک افغان مسئلہ اچھے سے حل کر سکتا ہوں، لیکن فی الحال مجھے کچھ کرنے کی ضرورت نہیں، ٹرمپ

فرحان کا بیان

صاحبزادہ فرحان نے کہا، "میں گزشتہ چار برس سے باقاعدگی سے ڈومیسٹک کرکٹ کھیل رہا ہوں اور ایک بھی میچ مس نہیں کرتا۔ خاص طور پر پاکستان میں فرسٹ کلاس کرکٹ میں جو محنت کی، اس کا صلہ آج ملا ہے۔"

یہ بھی پڑھیں: بھارت خطرناک بحری تیاریوں میں مصروف ہے: عاصم افتخار، سلامتی کونسل میں بحث

پچ کی صورتحال

انہوں نے پچ کے بارے میں بتایا، "ابتدا میں وکٹ بیٹنگ کے لیے زیادہ آسان نہیں تھی۔ میں نے یہ بات محسوس کی اور اپنے کپتان کو بھی بتایا کہ ہم نارمل کرکٹ کھیلتے ہیں پھر میں اپنی اننگز کو آگے بڑھاؤں گا۔"

یہ بھی پڑھیں: کراچی میں بیٹے کی شکایت لے کر آنے والے شخص نے پڑوسی کو قتل کردیا گیا

شاداب خان کے ساتھ شراکت

شاداب خان کے ساتھ 81 رنز کی اہم شراکت پر انہوں نے کہا، "ہم نے لگاتار دو وکٹیں گنوا دی تھیں، اس لیے منصوبہ یہ تھا کہ پہلے پارٹنرشپ بنائیں اور پھر آخر میں رفتار تیز کریں۔"

پاکستان کی فتح

فرحان کی ذمہ دارانہ اور جارحانہ بیٹنگ نے پاکستان کو 199 رنز تک پہنچانے میں کلیدی کردار ادا کیا، جس کے بعد قومی ٹیم نے نمیبیا کو بآسانی شکست دے کر ایونٹ میں اپنی پوزیشن مستحکم کر لی۔