نواز شریف اور وزیر اعلیٰ مریم نواز کی زیر صدارت خصوصی اجلاس، مری کے ترقیاتی پروگرام کے لیے اربوں روپے کے تاریخی ترقیاتی پیکج کی منظوری

تاریخی ترقیاتی پروگرام کی منظوری

مری /لاہور (ڈیلی پاکستان آن لائن) مری کی تاریخ کے سب سے بڑے ترقیاتی پروگرام کے لئے اربوں روپے کے تاریخی ڈویلپمنٹ پیکیج کی منظوری دے دی۔ پاکستان مسلم لیگ (ن) کے صدر محمد نواز شریف اور وزیر اعلیٰ مریم نواز کی زیر صدارت مری میں ایک خصوصی اجلاس ہوا۔ اس اجلاس میں گورنمنٹ ہاؤس مری میں مری ڈویلپمنٹ پلان کا جائزہ لیا گیا۔ سینئر صوبائی وزیر مریم اورنگزیب نے مری کے ترقیاتی پراجیکٹس کی تفصیلی بریفنگ دی۔

یہ بھی پڑھیں: چیئرمین پاکستان علماء کونسل حافظ محمد طاہر محمود اشرفی کی پاکستان میں فلسطین کے سفیر ڈاکٹر ذہیر زید سے ملاقات

کوٹلی ستیاں کی ترقی

اجلاس میں فیصلہ کیا گیا کہ کوٹلی ستیاں کو پنجاب کا نیا جدید ترین ٹورازم ہب بنایا جائے گا۔ وزیراعلیٰ مریم نواز نے کوٹلی ستیاں میں ٹورازم کی 14 سکیموں کی منظوری دی۔ یہاں ایکو فرینڈلی گلمپنگ پوڈ ویلج اور ریزارٹ قائم ہوگا، اور پنجاب کا پہلا جدید پیرا گلائیڈنگ سینٹر بھی بنے گا۔ کوٹلی ستیاں میں سیاحوں کے لئے سکائی گلاس برج اور نئی چیئر لفٹ پراجیکٹ کی بھی منظوری دی گئی۔

یہ بھی پڑھیں: پاکستان ایڈمنسٹریٹو کالج میں زیر تربیت افسران کا لیسکو ہیڈکوارٹرز کا دورہ، چیف ایگزیکٹو لیسکو انجینئر شاہد حیدر سے ملاقات

مری میں انفراسٹرکچر کی بہتری

اجلاس میں بتایا گیا کہ پتریاٹہ چیر لفٹ کی مرمت اور اپ گریڈیشن کی جائے گی۔ بھوربن میں 50 بیڈ کا ہسپتال بنے گا جبکہ بس سٹینڈ کے ساتھ ہسپتال کے لئے واٹر سپلائی سکیم مکمل کی جائے گی۔ مری گلاس ٹرین پراجیکٹ کے تحت مارچ میں مونو ریل کے لئے بڈنگ ہوگی، اور یہ ٹرین لیک ویو پارک تا مری بس سٹینڈ 40 کلو میٹر طویل روٹ پر چلے گی۔

یہ بھی پڑھیں: پاکستان کی ریڈ سی فلم فیسٹیول میں پہلی بار شرکت

تاریخی عمارتوں کی بحالی

اجلاس میں مری کی تاریخی عمارتوں کو قدیمی ڈیزائن کے مطابق بحال کرنے کا فیصلہ کیا گیا۔ مری کی تاریخی اور ثقافتی عمارتوں کے تحفظ کے لئے الگ شعبہ قائم کرنے پر بھی اتفاق کیا گیا۔ مال روڈ پر مری کی 23 بلڈنگز اور 76 دکانوں کی تزئین و بحالی مکمل کی جائے گی۔ ایک ہی مخصوص جگہ پر معیاری ہوٹلز قائم کرنے کا فیصلہ بھی کیا گیا ہے۔

یہ بھی پڑھیں: امارات پر حملے میں 3 افراد ہلاک، 58 زخمی ہوئے، ایران نے 165 بیلسٹک میزائل، 541 ڈرون مارے، وزارتِ دفاع

قدرتی حسن کی حفاظت

وزیراعلیٰ مریم نواز نے ڈپٹی کمشنر مری کو موزوں مقام کی نشاندہی کی ہدایت کی۔ اجلاس میں غیر قانونی طور پر تعمیر کردہ سہ منزلہ عمارتیں، مال روڈ ہال روڈ اور امتیاز شہید روڈ میں ہٹانے پر بھی اتفاق کیا گیا۔ مری میں سہ منزلہ عمارتیں ہٹا کر پارک اور گرین ایریاز بنایا جائے گا۔

یہ بھی پڑھیں: خلیجی خطے میں ’’جاسوس نیٹ ورک‘‘ کا انکشاف، ایران، پاکستان اور دیگر ممالک کے خلاف بھی حساس معلومات اکٹھی کی جا سکتی ہیں: تہلکہ خیز رپورٹ

پانی کی فراہمی میں بہتری

اجلاس میں بتایا گیا کہ مری میں 2.8 ملین گیلن اضافی پانی کی فراہمی وقت میں کمی کر کے ایک سے دو گھنٹے میں یقینی بنائی جا رہی ہے۔ وزیراعلیٰ مریم نواز نے رین واٹر ہارویسٹنگ پراجیکٹ کے پہلے فیز کامیابی سے مکمل ہونے پر مسرت کا اظہار کیا، جبکہ دوسرے مرحلے میں 3 ہزار گھر مستفید ہونگے۔

یہ بھی پڑھیں: عافیہ صدیقی کیس کی سماعت کے دوران انٹرنیٹ سست ہونے پر عدالت برہم

سڑکوں کی بہتری کے منصوبے

اجلاس میں راولپنڈی، مری اور کشمیر روڈ کو سٹیٹ آف دی آرٹ سڑک بنانے کا اصولی فیصلہ کیا گیا۔ اس کے علاوہ، مری اور مضافات میں 70 روڈز کی تعمیر و مرمت مکمل ہو چکی ہے جبکہ 120 روڈز دوسرے مرحلے میں بن رہی ہیں۔

یہ بھی پڑھیں: پاکستان کرکٹ بورڈ نے پی ایس ایل فرنچائز ملتان سلطانز کو نیا کنٹریکٹ نہیں بھیجا، نجی نیوز چینل کا دعویٰ

برفباری کے دوران انتظامات

وزیراعلیٰ مریم نواز نے برفباری کے دوران عمدہ کارکردگی پر ڈپٹی کمشنر ظہیر شیرازی اور ٹیم کو شاباش دی۔ مری میں برف ہٹانے کے لئے جدید ترین مشینری کے کامیاب استعمال کی بریفنگ دی گئی۔

ٹورسٹ فورس کی سرگرمیاں

مری میں سیاحوں کی آسائش کیلئے ٹورسٹ فورس متحرک ہے، جبکہ ڈپٹی کمشنر مری نے بتایا کہ مری میں 37 روڈز کی تعمیر و مرمت 3 ارب 98 کروڑ کی لاگت سے مکمل ہو چکی ہیں۔