لاہور میں کینال روڈ بند کرنے والے نوجوان کا سافٹ ویئر اپ ڈیٹ، ویڈیو سامنے آگئی

لاہور میں نوجوان کی گرفتاری

لاہور (ویب ڈیسک) صوبائی دارالحکومت میں کینال روڈ بند کرکے ویڈیوز بنانے والے سیاسی جماعت سے وابستہ نوجوان کا پنجاب پولیس نے سافٹ ویئر اپ ڈیٹ کردیا اور گرفتاری کے بعد کا ویڈیو پیغام بھی سامنے آگیا۔

یہ بھی پڑھیں: بانی پی ٹی آئی اور بشریٰ بی بی کے خلاف 190 ملین پاؤنڈ کیس 31 مارچ کو سماعت کے لیے مقرر

ویڈیو پیغام کا مواد

ویڈیو میں نوجوان کو یہ بتاتے ہوئے سنا گیا کہ میرا نام احمد ہے اور تعلق لاہور سے ہے۔ میں آئی ایس ایف کا ممبر ہوں۔ پرسوں دوستوں کیساتھ مل کر لاہور کا کینال روڈ ٹائر جلا کر بند رکھا تھا جس کا مقصد ویڈیوز سوشل میڈیا پر لگا کر لائیکس اور فالوورز حاصل کرنا تھا۔

یہ بھی پڑھیں: سونے کی قیمت پھر بڑھ گئی، 900روپے کا اضافہ

نوجوان کی شرمندگی اور معافی

اس کا مزید کہنا تھا کہ تقریباً 15 روڈ بلاک رکھا لیکن جب پولیس آنے کی خبر ملی تو بھاگ نکلے۔ رات کو گھر جاتے پولیس کے ہتھے چڑھ گیا۔ میں اس عمل پر شرمندہ اور معافی کا طلبگار ہوں۔ وعدہ کرتا ہوں کہ آئندہ کسی غیر قانونی کام کا حصہ نہیں بنوں گا۔

دیگر افراد کے لیے پیغام

دیگر لوگوں سے بھی گزارش ہے کہ اپنا مستقبل خراب نہ کریں ورنہ جیلوں میں ہی سڑوگے۔