بل گیٹس کا انڈیا اے آئی سمٹ میں شرکت نہ کرنے کا اعلان
بل گیٹس کا انڈیا اے آئی سمٹ میں عدم شرکت کا اعلان
نیویارک (ڈیلی پاکستان آن لائن) بل گیٹس نے انڈیا اے آئی سمٹ میں شرکت نہ کرنے کا اعلان کر دیا۔
یہ بھی پڑھیں: سابق وزیراعظم آزاد کشمیر سردار تنویر الیاس نے پیپلزپارٹی میں شمولیت اختیار کرلی
خطاب سے دستبرداری
بل گیٹس نے نئی دہلی میں جاری انڈیا اے آئی امپیکٹ سمٹ میں خطاب سے دستبرداری اختیار کر لی ہے، جس کے بعد اس فیصلے کے وقت پر سوالات اٹھائے جا رہے ہیں۔ یہ پیش رفت امریکا میں حالیہ جاری ہونے والی تحقیقاتی دستاویزات اور جیفری ایپسٹین سے متعلق تنازع کے تناظر میں سامنے آئی ہے۔
یہ بھی پڑھیں: بلوچستان میں لوکل کونسلز کی مخصوص نشستوں پر ضمنی انتخابات کا شیڈول جاری
فاؤنڈیشن کا بیان
گیٹس فاؤنڈیشن کی جانب سے جاری بیان میں کہا گیا ہے کہ یہ فیصلہ اس لیے کیا گیا تاکہ چھ روزہ سمٹ میں توجہ مصنوعی ذہانت اور پالیسی مباحث تک مرکوز رہے۔ فاؤنڈیشن کے مطابق داخلی مشاورت کے بعد یہ قدم اٹھایا گیا۔
— Gates Foundation India (@BMGFIndia) February 19, 2026
سمٹ میں نمائندگی
فاؤنڈیشن کے افریقہ اور بھارت آپریشنز کے نگران انکور وورا سمٹ میں ادارے کی نمائندگی کریں گے اور شرکا سے خطاب کریں گے۔ سمٹ کے نظرثانی شدہ پروگرام میں گیٹس کا نام کلیدی مقررین کی فہرست میں شامل نہیں تھا، جس کے بعد قیاس آرائیاں شروع ہو گئی تھیں۔ منتظمین کے مطابق 2026 کا ایڈیشن اب تک کا سب سے بڑا اجتماع ہے، جس میں 20 سے زائد ممالک کے مندوبین اور عالمی سطح کے اے آئی ماہرین شریک ہیں۔ اس سے قبل کانفرنس کے اجلاس برطانیہ، جنوبی کوریا اور فرانس میں منعقد ہو چکے ہیں۔
