اقتصادی رابطہ کمیٹی نے رمضان ریلیف پیکیج کیلئے فنڈز کی منظوری دے دی

اقتصادی رابطہ کمیٹی کا فیصلہ

اسلام آباد ( ڈیلی پاکستان آن لائن ) اقتصادی رابطہ کمیٹی (ای سی سی) نے رمضان ریلیف پیکیج کیلئے فنڈز کی منظوری دے دی۔

یہ بھی پڑھیں: کراچی کے علاقے صدر میں واقع النجیبی موبائل مارکیٹ میں اچانک آگ لگ گئی

اجلاس کی تفصیلات

تفصیلات کے مطابق وزیر خزانہ محمد اورنگزیب کی زیر صدارت ای سی سی اجلاس میں رمضان ریلیف پیکیج کیلئے 25 ارب روپے کی منظوری کی سمری پیش کی گئی۔

یہ بھی پڑھیں: بھارت کے ایک دن میں ایف بی آر پر 1684 سائبر حملے ناکام کر دیئے گئے

فنڈز کی فراہمی

’’جنگ‘‘ کے مطابق اعلامیہ کے مطابق ای سی سی نے فوری طور پر 19 ارب روپے جاری کرنے کی منظوری دی، اضافی فنڈز ضرورت اور مالی گنجائش کے مطابق جاری ہوں گے۔ آپریشنل اخراجات کے لئے 1 ارب روپے کی اصولی منظوری دی گئی۔

دیگر ہدایات

اعلامیہ کے مطابق ای سی سی نے اخراجات کی مکمل تفصیلات فنانس ڈویژن کو فراہم کرنے کی ہدایت کی اور کہا کہ رقوم بینکنگ اور ڈیجیٹل ذرائع سے براہ راست مستحقین تک پہنچیں گی۔