لاہور ہائی کورٹ نے پی ٹی اے کو غیر قانونی موبائل سمز کی روک تھام کے لیے قواعد بنانے کا حکم دے دیا

لاہور ہائیکورٹ کا حکم

لاہور(ڈیلی پاکستان آن لائن) عدالت نے پاکستان ٹیلی کام اتھارٹی (پی ٹی اے) کو غیر قانونی موبائل سمز کی روک تھام کے لیے قواعد بنانے کا حکم دے دیا۔

یہ بھی پڑھیں: شہنشاہ غزل مہدی حسن کو خراج تحسین پیش کرنے کے لیے عجمان میں میوزیکل نائٹ کا انعقاد

مقدمہ کی تفصیلات

لاہور ہائیکورٹ میں غیر قانونی سمز فروخت کرنے کے مقدمے میں ملزم محمد عثمان کی بعد از گرفتاری ضمانت کی درخواست کی سماعت ہوئی۔ عدالت نے غیر قانونی موبائل سمز کی روک تھام کے لیے پی ٹی اے کو باقاعدہ قواعد و ضوابط تشکیل دینے کا حکم دے دیا۔

یہ بھی پڑھیں: نیشنل پریس کلب میں انٹرنیٹ کا منفی پھیلاؤ روکنے میں میڈیا کے کردار پر خصوصی سیمینار

عدالتی سماعت

عدالتی حکم پر ڈی جی پی ٹی اے، ڈائریکٹر لیگل پی ٹی اے سمیت دیگر افسران عدالت میں پیش ہوئے۔ جبکہ درخواست گزار کی جانب سے وکیل خادم حسین نے دلائل دیئے۔

یہ بھی پڑھیں: پولیس اہلکار اور رینجرز اہلکار کے درمیان لڑائی میں فائرنگ سے پولیس اہلکار جاں بحق

وکیل کا مؤقف

درخواست گزار کے وکیل نے مؤقف اختیار کیا کہ نیشنل سائبر کرائم انویسٹی گیشن ایجنسی (این سی سی آئی اے) نے حقائق کے برعکس مقدمہ درج کیا۔ ملزم گرفتاری کے بعد سے جیل میں ہے اور ضمانت اس کا قانونی حق ہے، لہٰذا بعد از گرفتاری ضمانت منظور کی جائے۔

یہ بھی پڑھیں: چیف جسٹس آف پاکستان یحییٰ آفریدی کے بیٹے کی گاڑی کو حادثہ

جج کے ریمارکس

سماعت کے دوران جسٹس طارق سلیم شیخ نے ریمارکس دیے کہ ملک کو دہشت گردی کا سامنا رہا ہے اور قوم نے بڑی قربانیاں دی ہیں، ایسا نہ ہو کہ غیر قانونی سمز دہشت گردی میں استعمال ہو جائیں۔ عدالت میں غیر قانونی سمز کی روک تھام سے متعلق تجاویز بھی پیش کی گئیں۔

عدالت کا فیصلہ

عدالت نے پی ٹی اے کو غیر قانونی سمز کی روک تھام کے لیے مؤثر اقدامات اور رولز بنانے کا حکم دیتے ہوئے سماعت پیر تک ملتوی کر دی۔ ملزم کے خلاف این سی سی آئی اے نے مقدمہ درج کر رکھا ہے۔