خیبرپختونخوا حکومت کا اعلان کردہ رمضان پیکج تاحال شروع نہ ہو سکا

رمضان پیکج کی تاخیر

پشاور(ڈیلی پاکستان آن لائن) خیبرپختونخوا میں عوام کو دیا جانے والا رمضان پیکج تاحال شروع نہ ہوسکا۔

یہ بھی پڑھیں: پنجاب: شدید دھند کے باعث ٹریفک حادثات میں 3 افراد جاں بحق، 15 زخمی

پیکج کی تقسیم کا طریقہ

نجی ٹی وی چینل دنیا نیوز کے مطابق ذرائع کا کہنا ہے کہ ڈیجیٹل طریقہ کار وضع نہ ہونے سے رمضان پیکج کی تقسیم کا اختیار عوامی نمائندوں کو تفویض کیا گیا۔ عوامی نمائندے مستحق افراد کا ڈیٹا جمع کرکے سوشل ویلفیئر کو دیں گے، اور اس کے بعد رمضان پیکج مستحق افراد کو فراہم کیا جائے گا۔

یہ بھی پڑھیں: مالی سال کے ابتدائی 5ماہ میں پاکستان ریلوے کو ریکارڈ آمدن حاصل

مستحق افراد کا انتخاب

بتایا گیا ہے کہ مستحق افراد کا انتخاب بھی عوامی نمائندے کریں گے، ڈیٹا جمع کرنے کے باعث رمضان پیکج مستحق افراد کو دینے میں مزید کئی روز لگ سکتے ہیں۔

یہ بھی پڑھیں: کراچی میں آٹے کی قیمتوں میں 10 سے 17 روپے فی کلو کمی، نوٹیفکیشن جاری

مالی تفصیلات

خیال رہے کہ خیبرپختونخوا حکومت نے تقریبا 13 ارب روپے مستحقین افراد میں تقسیم کرنے کا اعلان کیا ہے۔ ایک لاکھ 16 ہزار 394 افراد کو 12 ہزار 500 روپے دینے کا فیصلہ کیا گیا ہے۔

یہ بھی پڑھیں: بیکن ہاؤس سکول سسٹم کا معیاری تعلیم کے فروغ اور بین الصوبائی ہم آہنگی میں اہم کردار ہے، وزیر اعلیٰ سندھ مراد علی شاہ

اہلیت کے معیار

حکومت نے رمضان پیکج کے لیے یتیم، بیوہ عورتیں اور معذور افراد اہل قرار دیئے ہیں۔ عارضی طور پر گھروں سے بے گھر افراد رمضان پیکج کے مستحق نہیں ہیں۔

یہ بھی پڑھیں: وزیر اعلیٰ پنجاب مریم نواز کی زیرصدارت صوبائی کابینہ کا طویل ترین 80 نکاتی ایجنڈے پر مشتمل 21 واں اجلاس، اہم فیصلے

علاقائی تفصیلات

پشاور میں سب سے زیادہ 1 لاکھ 8 ہزار 500 افراد کو رمضان پیکج دیا جائے گا، جبکہ سوات میں 67 ہزار 500، مردان میں 60 ہزار 486 اور چارسدہ میں 40 ہزار سے زائد افراد کو بھی پیکج دیا جائے گا۔

امیدواروں کی نشاندہی

ڈائریکٹر سوشل ویلفیئر نے بتایا کہ ڈپٹی کمشنرز کو مستحق افراد کی نشاندہی کے لیے خط ارسال کردیا گیا ہے اور امید ہے کہ چند روز کے اندر ہی رمضان پیکج کی تقسیم شروع ہو جائے گی۔