رمضان میں مختلف راستہ اختیار کرنے کا فیصلہ کیا ہے: علیزہ شاہ

معروف اداکارہ علیزے شاہ کا سب کو معاف کرنے کا اعلان

کراچی(ڈیلی پاکستان آن لائن) اکثر تنازعات کا شکار رہنے والی پاکستانی شوبز انڈسٹری کی معروف اداکارہ علیزے شاہ نے سب کو معاف کرنے کا اعلان کردیا۔

رمضان المبارک کا بابرکت مہینہ

فوٹوز اینڈ ویڈیوز شیئرنگ پلیٹ فارم انسٹاگرام پر پوسٹ شیئر کرتے ہوئے انہوں نے رمضان المبارک کے اس بابرکت مہینے میں سب کو معاف کرنے کا اعلان کیا ہے۔

ماضی کے تنازعات

4.3 ملین انسٹا فالوورز رکھنے والی اداکارہ ماضی میں یاسر نواز، شازیہ منظور اور منسا ملک سمیت متعدد فنکاروں اور میڈیا پرسنز کے ساتھ تنازعات کا شکار رہی ہیں۔

مشکل وقت کی گواہی

علیزے شاہ نے انسٹاگرام پر ایک نوٹ شیئر کیا جس میں لکھا ہے کہ گزشتہ سال میری زندگی کا مشکل ترین سال تھا۔ میں خود کو اللّٰہ سے دور اور گمراہ محسوس کیا کرتی تھی۔

اکثر میرا ایمان اندھیرے سے بھی زیادہ گہرا لگتا تھا لیکن اس سال، خصوصاً اس بابرکت مہینے رمضان میں، میں نے مختلف راستہ اختیار کرنے کا فیصلہ کیا ہے۔

معافی کا ارادہ

اداکارہ نے لکھا کہ میں واپس لوٹنے کا انتخاب کر رہی ہوں، میں اپنے دل کو نرم کرنے کا انتخاب کر رہی ہوں، میں ہر اُس شخص کو معاف کرنے کا انتخاب کر رہی ہوں جس نے مجھے تکلیف دی، اس لیے نہیں کہ وہ اس کے مستحق ہیں، بلکہ اس لیے تاکہ میری روح سکون کی مستحق ہے۔

سب سے پہلے میں اللّٰہ سے معافی کی طلب گار ہوں، اس امید کے ساتھ کہ وہ مجھے اسی طرح معاف کرے گا جیسے میں اس کی مخلوق کو معاف کرنا سیکھ رہی ہوں۔

اللہ کی رحمت پر یقین

انہوں نے لکھا کہ میں سمجھتی ہوں کہ میں ایک تاریک دور سے گزر رہی تھی، مجھے صرف اس امید کا سہارا تھا جو اللّٰہ نے میرے دل میں رکھی اور میرے والدین کا میرے حوالے سے صبر۔

ذاتی تبدیلی کا پیغام

انہوں نے مزید لکھا کہ بعض اوقات ہمیں معلوم ہوتا ہے کہ ہم بھٹک رہے ہیں، ہمیں احساس ہوتا ہے کہ ہم غلط ہیں، مگر ہم اپنے غرور کو جیتنے دیتے ہیں۔ تب ہم اپنی ہی کہانی کے ولن بن جاتے ہیں۔ اس لیے میں خود سے اور آپ سب سے کہتی ہوں، پچھتاوے کو توبہ سے زیادہ بھاری نہ ہونے دیں۔ اس وقت لوٹ آئیں جب دل میں ابھی احساس باقی ہو، جب تک ممکن ہو، معاف کر دیں۔