پاکستان اور نیوزی لینڈ کا سپر ایٹ مرحلے میں اہم مقابلہ، کولمبو میں بارش کا خطرہ، میچ متاثر ہونے کی صورت میں کیا ہوگا؟

پاکستان اور نیوزی لینڈ کا میچ

کولمبو(ڈیلی پاکستان آن لائن) آئی سی سی مینز ٹی ٹوئنٹی ورلڈ کپ 2026 کے سپر 8 مرحلے میں آج پاکستان اور نیوزی لینڈ کی ٹیمیں آر پریماداسا اسٹیڈیم میں مدمقابل ہوں گی۔

یہ بھی پڑھیں: گوجرانوالہ میں مبینہ تشدد سے گھریلو ملازمہ جاں بحق

بارش کی پیشگوئی

تاہم، اس ہائی وولٹیج مقابلے پر بارش کے سائے منڈلا رہے ہیں جو دونوں ٹیموں کے سیمی فائنل تک پہنچنے کی امیدوں کو متاثر کر سکتے ہیں۔

یہ بھی پڑھیں: کراچی: گل پلازہ کی آگ پر 33 گھنٹوں بعد قابو پایا گیا، کولنگ شروع، 11 افراد جاں بحق، 60 سے زائد لاپتہ

موسمی حالات

کولمبو میں مقامی وقت کے مطابق شام 7 بجے شروع ہونے والے اس میچ سے قبل اور میچ کے دوران بارش کی پیشگوئی کی گئی ہے، کولمبو میں درجہ حرارت 24 سے 26 ڈگری سیلسیس کے درمیان رہنے کا امکان ہے جبکہ ہوا میں نمی کا تناسب 80 فیصد سے زائد رہے گا۔

یہ بھی پڑھیں: دکانیں تو ہر اتوار کو بند ہوتی ہیں اگلے اتوار بھی بند ہوں گی، مذاق ہو رہا ہے، اب جو آپریشن ہوگا تو ۔۔۔؟فیصل واوڈا پھر بول پڑے

ریزرو ڈے کی عدم موجودگی

سپر 8 کے اس میچ کے لیے کوئی ریزرو ڈے (متبادل دن) نہیں رکھا گیا ہے۔ اگر بارش کی وجہ سے میچ منسوخ ہو جاتا ہے تو دونوں ٹیموں کو ایک ایک پوائنٹ دے دیا جائے گا۔ یہ صورتحال دونوں ٹیموں کے لیے نقصان دہ ثابت ہو سکتی ہے کیونکہ اس سے سیمی فائنل کی دوڑ مزید مشکل ہو جائے گی۔

میچ کا فیصلہ

آئی سی سی انتظامیہ کے پاس میچ کا نتیجہ نکالنے کے لیے 90 منٹ کا اضافی وقت ہوگا۔ اگر موسم کی خرابی کی وجہ سے کم از کم 5، 5 اوورز کا کھیل بھی ممکن نہ ہوسکا، تو میچ کو باقاعدہ طور پر ختم (Abandoned) قرار دے دیا جائے گا۔