اپریل سے کسانوں کو مفت زمین ملنا شروع ہو جائے گی، مریم نواز کا اعلان

وزیر اعلیٰ پنجاب کا اعلان

لاہور (ڈیلی پاکستان آن لائن) وزیر اعلیٰ پنجاب مریم نواز نے اپریل سے "اپنا کھیت، اپنا روزگار" سکیم کے تحت کسانوں کو مفت زمین کی فراہمی کا اعلان کردیا۔

یہ بھی پڑھیں: ایلون مسک کی سیاست میں باضابطہ انٹری، الیکشن کمیشن میں کاغذات جمع کرادیے

سکیم کی تفصیلات

ایکس پر اپنے بیان میں مریم نواز نے کہا کہ کسانوں کو مفت سرکاری زمین دینے کی سکیم اپریل میں شروع ہوگی، پنجاب کی تمام قابل کاشت زمین کسانوں کو 10 سالہ لیز پر دی جائے گی۔ ہر کسان کو 5 ایکڑ ملیں گے، کسی سے ایک پیسہ نہیں لیا جائے گا، الٹا کسانوں کو مالی امداد بھی دی جائے گی تاکہ اگلے ہی دن کھیتی باڑی شروع کی جاسکے۔

منصوبے کی پس منظر

واضح رہے کہ 4 فروری کو راجن پور میں الیکٹرو بس کی افتتاحی تقریب سے خطاب میں وزیر اعلیٰ مریم نواز نے اعلان کیا تھا کہ وہ ’اپنا کھیت، اپنا روزگار‘ منصوبہ شروع کر رہی ہیں جس کے تحت غریب عوام کو 2.5 لاکھ ایکڑ اراضی مفت دی جائے گی۔