حکومت سے کوتاہیاں ہوئی ہوں گی مگر نیت بالکل ٹھیک ہے: شرجیل میمن
شرجیل میمن کی بیان بازی
کراچی(ڈیلی پاکستان آن لائن) سندھ کے سینئر صوبائی وزیر شرجیل میمن نے کہا ہے کہ حکومت سے کمی کوتاہیاں ہوئی ہوں گی مگر نیت بالکل ٹھیک ہے۔
یہ بھی پڑھیں: شبلی فراز اور کنول شوزب کی ای سی ایل سے نام نہ نکالنے پر توہین عدالت کی درخواستیں خارج
ریڈ لائن منصوبے کا دورہ
نجی ٹی وی چینل جیو نیوز کے مطابق شرجیل میمن نے یونیورسٹی روڈ پر ریڈ لائن منصوبے کا دورہ کیا۔ انہوں نے کہا کہ کچھ لوگ ہر بات میں سیاست کرنا اور مایوسی پھیلانا چاہتے ہیں۔ کوشش کر رہے ہیں کہ یونیورسٹی روڈ کو کلیئر کریں۔ اس پروجیکٹ کی مالیت بڑھ گئی ہے، اسے بند کریں۔ تمام چیلنجز کے باوجود اس پروجیکٹ پر کام جاری رکھا گیا۔ اس پروجیکٹ کا جو کام رُکا تھا وہ انتظامی معاملات کی وجہ سے تھا۔
یہ بھی پڑھیں: روسی صدر نے ٹیلیفونک کال کے دوران ڈونلڈ ٹرمپ کو ایران کیخلاف جنگ ختم کرنے کا مشورہ دیا
سڑکوں کی تعمیر کی ہدایت
سینئر وزیر نے کہا کہ عید سے پہلے یونیورسٹی روڈ کی سائیڈ کی سڑکوں پر کام مکمل کرنے کی ہدایت کی ہے۔ مقصد عوام کو سہولت دینا ہے۔ اس وقت کراچی میں بڑی تعداد میں میگا پروجیکٹ چل رہے ہیں۔ حکومت سندھ کی انتظامیہ اور میئر کراچی بھی دن رات کام کر رہے ہیں۔
یہ بھی پڑھیں: ویڈیو: MG کا پک اپ ٹرک پاکستان پہنچ گیا! آتے ہی دھوم مچادی۔۔۔ کیا کیا فیچرز شامل، ممکنہ قیمت کیا ہوگی؟
ریڈ لائن بی آر ٹی پراجیکٹ
شرجیل میمن نے کہا کہ ریڈ لائن بی آر ٹی پراجیکٹ کو ختم کرنے کی باتیں کی جا رہی تھیں۔ یہ پراجیکٹ اگلی نسلوں کے کام آئے گا۔ ہمیں لوگوں کو ایسے پراجیکٹس دینے ہیں جس سے انہیں سہولت ہو۔
یہ بھی پڑھیں: میں نے ملکہ ترنم نورجہاں کی شاگرد بننے کی پیش کش کو مسترد کیا تھا، گلوکارہ حمیرا ارشد کا انکشاف
کسٹمز کے معاملات
انہوں نے مزید کہا کہ کسٹمز نے پنجاب حکومت کو ایک فیصد اور ہمیں 17 سے 18 فیصد چارج کیا۔ ابھی بھی ہماری بسیں کسٹمز میں پھنسی ہوئی ہیں۔ ہمارا مطالبہ ہے کہ دونوں صوبوں کے ساتھ ایک جیسا رویہ ہونا چاہیے۔
عمران خان کی صحت پر دعائیں
سینئر وزیر کا بانی پی ٹی آئی عمران خان سے متعلق کہنا تھا کہ ان کی لمبی عمر کے لیے دعاگو ہوں۔ جہاں تک رہائی کی بات ہے تو رہائی ان کے اپنے ہاتھ میں ہے۔ سوشل میڈیا پر پی ٹی آئی کے حواری اداروں کو نشانہ بناتے ہیں۔ اگر یہ لوگ اپنے الفاظ کا چناؤ بہتر کریں تو معاملات میں بہتری آئے گی۔
