وطن کا دفاع کرنا سب سے مقدم فریضہ ، شہداء کے اہل خانہ کو تنہا نہیں چھوڑیں گے: گورنر پنجاب

گورنر پنجاب کا عزم

لاہور (ڈیلی پاکستان آن لائن) گورنر پنجاب سردار سلیم حیدر خان نے کہا ہے کہ ہم اپنے شہداء کے اہل خانہ کو تنہا نہیں چھوڑیں گے۔ وطن کا دفاع کرنا سب سے مقدم فریضہ ہے، شہداء اور غازی ہمارے ماتھے کا جھومر ہیں۔

یہ بھی پڑھیں: جلال پور پیروالا میں سیلابی پانی کی کمی کے لیے ایم فائیو موٹروے پر شگاف ڈالنے کی تجویز

پاکستان سویٹ ہوم کا دورہ

گورنر پنجاب سردار سلیم حیدر خان نے پاکستان سویٹ ہوم کا دورہ کیا، چیئرمین پاکستان سویٹ ہوم زمرد خان نے گورنر سلیم حیدر خان کا استقبال کیا۔

یہ بھی پڑھیں: پاکستان نے بھارتی وزیر خارجہ کے بیانات کو غیر ذمہ دارانہ قرار دے دیا

افطاری کا اجتماع

’’جنگ‘‘ کے مطابق گورنر پنجاب نے سویٹ ہومز کے بے سہارا اور یتیم بچوں کے ساتھ افطاری کی۔ اس موقع پر گورنر پنجاب کا کہنا تھا کہ میرے لیے باعث اعزاز ہے کہ میں سویٹ ہوم کے بچوں کے ساتھ افطاری کر رہا ہوں۔

یہ بھی پڑھیں: پاک بحریہ کے زیرِ اہتمام کراچی اور پورٹ قاسم پر 2 روزہ پورٹ سیکیورٹی اور ہاربر ڈیفنس ایکسرسائز کا انعقاد

رمضان المبارک کی اہمیت

انہوں نے کہا کہ ہمیں اس بابرکت مہینے میں اپنے اردگرد سفید پوش افراد اور بے سہارا بچوں کا خیال رکھنا ہے، رمضان المبارک خوشیاں بانٹنے اور رحمتیں سمیٹنے کا مہینہ ہے۔

یہ بھی پڑھیں: بیوی سے طلاق، فٹبال سٹار کو اپنے 2 گھروں، پٹرول سٹیشن اور 2 گاڑیوں سے ہاتھ دھونا پڑ گئے

سیکیورٹی فورسز کے بہادر جوان

بنوں میں سیکیورٹی فورسز کی گاڑی پر خودکش حملے پر دل افسردہ ہے، لیفٹیننٹ کرنل گل فراز نے ملک کی سلامتی کے لیے اپنی جان کا نذرانہ پیش کیا جس پر ہمیں فخر ہے۔

یہ بھی پڑھیں: تاجروں کو بھتے کی پرچیاں بھیجنے والے 2 ملزمان گرفتار

ملک کی سلامتی کا عزم

گورنر پنجاب نے کہا کہ ہم اپنے شہداء کے اہل خانہ کو تنہا نہیں چھوڑیں گے، دہشت گردی کے ناسور کو جڑ سے اکھاڑنے کیلئے پوری قوم اپنی افواج کے شانہ بشانہ کھڑی ہے۔ وطن کا دفاع کرنا سب سے مقدم فریضہ ہے، شہداء اور غازی ہمارے ماتھے کا جھومر ہیں۔

افغانستان میں دہشت گردی کا جواب

انہوں نے مزید کہا کہ اگر افغانستان کی سرزمین ہمارے خلاف استعمال ہوگی تو ہماری افواج وہاں پر موجود دہشت گردوں کو نشانہ بنائیں گی۔