کبھی کبھی پاور پلے میں میچ جیتا نہیں جا سکتا مگر ہارا ضرور جا سکتا ہے، بھارتی کپتان سوریا کمار یادو کا شکست پر تبصرہ

سوریا کمار یادو کا میچ کے بعد تجزیہ

کولمبو(ڈیلی پاکستان آن لائن) آئی سی سی ٹی ٹوئنٹی ورلڈ کپ 2026 کے اہم مقابلے میں شکست کے بعد بھارتی کرکٹ ٹیم کے کپتان سوریا کمار یادو نے ٹیم کی کارکردگی کا تجزیہ کرتے ہوئے کہا ہے کہ بیٹنگ میں بہتر شراکت داریاں نہ ہونا ہار کی بڑی وجہ بنی۔

یہ بھی پڑھیں: عالمی منڈی میں تاریخ کی بلند ترین سطح کو چھونے کے بعد سونے کی قیمت دھڑم سے گر گئی

بھارتی باؤلنگ کی کارکردگی

میچ کے بعد گفتگو کرتے ہوئے سوریا کمار یادو کا کہنا تھا کہ بھارت نے باؤلنگ کا آغاز بہت اچھا کیا اور وہ کھیل میں پوری طرح موجود تھے۔ انہوں نے اعتراف کیا کہ ساتویں سے پندرہویں اوور کے درمیان حریف ٹیم نے بہترین بیٹنگ کی، جس کے بعد بھارتی باؤلرز نے دوبارہ اچھا کم بیک کیا۔ سوریا کمار یادو کے مطابق باؤلنگ تو اچھی رہی لیکن بیٹنگ میں مزید بہتری کی گنجائش تھی۔

یہ بھی پڑھیں: کراچی میں نوکری سے نکالنے پر ملازم نے فائرنگ کرکے بریانی سینٹر کے مالک کو زخمی کردیا

بھارت کی بیٹنگ میں بہتری کی ضرورت

سوریا کمار یادو نے ایک اہم نکتے کی جانب اشارہ کرتے ہوئے کہا، "کبھی کبھی آپ کو یہ سوچنا پڑتا ہے کہ آپ پاور پلے میں میچ جیت تو نہیں سکتے لیکن اسے ہار ضرور سکتے ہیں۔" انہوں نے کہا کہ ٹیم کو مطلوبہ پارٹنرشپس نہیں مل سکیں، جو کہ کھیل کا حصہ ہے، لیکن وہ اس سے سیکھ کر اگلے میچ میں بھرپور واپسی کریں گے۔

اہم باؤلرز کی بہترین کارکردگی

بھارتی کپتان نے اپنے اہم باؤلرز جسپریت بمراہ اور ارشدیپ سنگھ کی جوڑی کو سراہتے ہوئے کہا کہ ان دونوں کا کومبینیشن انتہائی مہلک ہے۔ دونوں نے مل کر 8 اوورز میں 5 وکٹیں حاصل کیں اور صرف 45 سے 50 رنز دیے۔ سوریا کمار کے مطابق، دونوں باؤلرز پارٹنرشپ میں اچھی باؤلنگ کرتے ہیں اور ان کا ٹیم میں ہونا ہمارے لیے خوش آئند ہے۔