خواتین تبدیل ہوجاتی ہیں، شادی کے بعد رویہ ویسا نہیں رہتا: گوہر رشید

گوہر رشید کی شادіг کے حوالے سے گفتگو

کراچی(ڈیلی پاکستان آن لائن) پاکستانی نامور اداکار گوہر رشید نے اپنی اہلیہ کبریٰ خان سے متعلق بات کرتے ہوئے کہا کہ شادی کے بعد خواتین تبدیل ہوجاتی ہیں، ان کا رویہ ویسا نہیں رہتا جیسے پہلے ہوتا ہے، اور وہ اچانک سے بیوی بن جاتی ہیں۔

یہ بھی پڑھیں: شاہ محمود قریشی باہر آئے تو عمران خان کی ہدایات پر ہی عمل کریں گے، سلمان اکرم راجا

نکاح کا پس منظر

اداکارہ کبریٰ خان اور گوہر رشید نے گزشتہ سال فروری 2025 میں مکہ مکرمہ میں نکاح کیا تھا، جس میں ان کے قریبی اہلِ خانہ اور دوستوں نے شرکت کی۔ اس جوڑے کی شادی کو ایک سال سے زائد ہوچکا ہے۔

یہ بھی پڑھیں: بینک آف پنجاب کی اینالسٹ اور انویسٹرز کے لیے کارپوریٹ بریفنگ

رمضان ٹرانسمیشن میں شرکت

حال ہی میں دونوں اداکاروں نے نجی ٹی وی چینل کی رمضان ٹرانسمیشن میں شرکت کی۔ میزبان رابعہ انعم اور دانش تیمور کی جانب سے پوچھے گئے سوال پر انہوں نے شادی کے بعد کی زندگی اور مکہ مکرمہ میں اپنے نکاح کے بارے میں کھل کر گفتگو کی۔

یہ بھی پڑھیں: دہلی براستہ بٹھنڈہ

شادی کے بعد خواتین کی تبدیلی

شادی کے بعد خواتین میں تبدیلی کے حوالے سے گوہر رشید کا کہنا تھا کہ "جی ہاں، ہم قریبی دوست تھے اور ایک دوسرے کو اچھی طرح جانتے تھے لیکن سچ پوچھیں تو شادی کے بعد لوگ بدل جاتے ہیں، شخصیت میں فرق آجاتا ہے اور کبھی کبھی یوں لگتا ہے جیسے آپ نے کسی نئے شخص کے ساتھ زندگی شروع کی ہو۔"

یہ بھی پڑھیں: خدشہ ہے 2، 3 دن میں جنگ چِھڑ جائے ، وزیر دفاع خواجہ آصف کا تہلکہ خیز بیان

نکاح کی خوبصورتی

اداکار نے کہا کہ "ہم وہی ہیں لیکن روز ایک دوسرے کے بارے میں نئی باتیں دریافت کرتے ہیں اور یہی نکاح کی خوبصورتی ہے۔"

یہ بھی پڑھیں: شامی باغیوں کا سرکاری ٹی وی پر فتح کا اعلان، تمام قیدیوں کیلئے عام معافی

کبریٰ خان کا جواب

کبریٰ خان نے بھی اس پر بات کرتے ہوئے کہا کہ "ابتداء میں ہماری اس بات پر اکثر بحث ہوتی تھی، جہاں گوہر شکایت کرتے تھے کہ میں بدل گئی ہوں اور 'روایتی بیوی' بن گئی ہوں، جس پر میں نے جواب دیا، 'جی ہاں، کیونکہ میں آپ کی بیوی ہوں۔'"

مکہ میں نکاح

مکہ میں نکاح کے بارے میں بات کرتے ہوئے کبریٰ خان نے کہا کہ "ہم دوست تھے اور شادی کے حوالے سے ہر بات پر گفتگو کرتے تھے۔ پہلے دن سے میں نے انہیں کہا تھا کہ میں اپنا نکاح مکہ میں کرنا چاہتی ہوں، جس پر گوہر نے کہا کہ وہ بھی یہی چاہتے ہیں۔"

آخرکار ہماری شادی ہوگئی اور یہ طے تھا کہ ہمارا نکاح مکہ میں ہی ہوگا، جس پر بہت سے دوستوں نے خواہش ظاہر کی کہ وہ بھی تقریب میں شامل ہونا چاہتے ہیں، جس سے یہ لمحہ اور بھی خاص بن گیا۔