راولپنڈی میں اوباش نوجوانوں کا گرین بس پر پتھراؤ، شیشے ٹوٹ گئے
واقعہ کی تفصیل
راولپنڈی (ویب ڈیسک) اوباش نوجوانوں نے گرین بس پر پتھراؤ کر دیا جس کے نتیجے میں ایک مسافر زخمی ہو گیا۔ تھانہ چکلالہ پولیس نے بس کے کیپٹن کی مدعیت میں مقدمہ درج کر لیا۔
یہ بھی پڑھیں: سونا 8100 روپے مہنگا، فی تولہ قیمت کہاں پہنچ گئی؟ جانیے
حملے کا مقام
جیونیوز کے مطابق گرین بس پر حملے کا واقعہ چکلالہ سٹیشن کے قریب پیش آیا، جس کے باعث بس کے شیشے ٹوٹ گئے۔ حملہ کرنے والے 13 افراد کو گرفتار کر لیا گیا جن کے قبضے سے ملزمان کے ڈنڈے اور 7 موٹر سائیکلیں برآمد کی گئی ہیں۔
یہ بھی پڑھیں: حکومت اپوزیشن خصوصا ًپی ٹی آئی ایوان میں فوری اور بامقصد مذاکرات کریں،ہیومن رائٹس کمیشن پاکستان
سوشل میڈیا پر بیان
راولپنڈی میں اوباش نوجوانوں کا گرین بس پر پتھراؤ۔۔۔ شیشے ٹوٹ گئے pic.twitter.com/HKAhqfKJgK
— Geo News Urdu (@geonews_urdu) February 23, 2026
ایف آئی آر کی تفصیلات
ایف آئی آر کے مطابق، ون ویلنگ کرتے ہوئے اوباش نوجوان بس پر حملہ آور ہوئے، جنہوں نے گرین بس پر پتھراؤ کیا اور ڈنڈے مارے۔ اس پتھراؤ سے بس کے شیشے ٹوٹ گئے۔ گرفتار ملزمان کے زیرِ استعمال 7 موٹر سائیکلیں پولیس نے قبضے میں لے لیں۔
