آپ بانی پی ٹی آئی سے معاملات ٹھیک کریں، وعدہ کرتا ہوں آپ کی حکومت گرانے نہیں دیں گے: علامہ راجہ ناصر عباس

سینیٹ اجلاس میں اپوزیشن لیڈر کا پیغام

اسلام آباد(ڈیلی پاکستان آن لائن) سینیٹ میں اپوزیشن لیڈر علامہ راجہ ناصر عباس نے حکومت کو پیغام دیتے ہوئے کہا ہے کہ آپ بانی پی ٹی آئی سے معاملات ٹھیک کریں، وعدہ کرتا ہوں آپ کی حکومت گرانے نہیں دیں گے۔

یہ بھی پڑھیں: پاکستانی کرکٹر حیدر علی پر خاتون کاریپ کا الزام، نئے حقائق سامنے آگئے

رمضان المبارک اور احتجاجی دھرنا

روزنامہ جنگ کے مطابق سینیٹ کے اجلاس کے دوران علامہ راجہ ناصر عباس نے اظہارِ خیال کرتے ہوئے کہا کہ رمضان المبارک کا مہینہ توبہ کرنے کا ہے، بانی پی ٹی آئی کی آنکھ کا معاملہ زیرِ بحث رہا ہے ہمیں تشویش تھی، ہم نے پارلیمنٹ ہاؤس میں احتجاجی دھرنا دیا، پارلیمنٹ ہاؤس کے دروازے تالے لگا کر بند کر دیے گئے۔

یہ بھی پڑھیں: الیکشن کمیشن نے ضابطۂ اخلاق کی خلاف ورزی سے متعلق اہم سیاسی شخصیات کیخلاف دائر مقدمات سماعت کیلئےمقرر کردیئے

پارلیمنٹ کی توہین اور مثبت احتجاج کی ضرورت

علامہ راجہ ناصر عباس کا کہنا ہے کہ مثبت احتجاج کرنے کی روایت ڈالنے دیں، پارلیمنٹ کو تالے لگا کر پارلیمنٹرینز کو بند کر دیا گیا، کیا یہ پارلیمنٹ کی توہین نہیں ہے؟ بانی پی ٹی آئی کے علاج کا مطالبہ کر رہے ہیں، اِن پر جعلی پرچے ہیں۔