مزدور بات کرنے سے خوفزدہ، صحافی نے ویڈیو شیئرکردی

لاہور سے رپورٹ

لاہور (ویب ڈیسک) صحافی ضعیم لغاری نے بتایاکہ مزدور ڈرے ہوئے ہیں، کوئی بات کرنے کو بھی تیار نہیں اور مزدوروں کا کہنا ہے کہ کوئی بات کریں تو اٹھا لیں گے۔

یہ بھی پڑھیں: بھارت خطے میں دہشت گردی میں ملوث، افغانستان کے ذریعے حملے کروا رہا ہے: پاکستان

مزدوروں کی خوفناک صورتحال

ضعیم لغاری نے ویڈیو شیئر کرتے ہوئے لکھا کہ "مریم نواز صاحبہ کے پنجاب میں مزدوروں کے انٹرویو کے لیے گیا تو ایک نہایت افسوسناک اور چونکا دینے والی صورتحال دیکھنے کو ملی، جب ان سے بات کرنے کی کوشش کی تو وہ کھل کر بولنے سے گریز کر رہے تھے، ان کا کہنا تھا کہ اگر ہم مہنگائی یا حالات کے خلاف بات کریں گے تو ہمیں اٹھا لیا جائے گا، جب پوچھا کہ کون اٹھائے گا تو جواب ملا کہ پولیس لے جاتی ہے۔

یہ بھی پڑھیں: کراچی: گاڑی ڈرائیور سے بے قابو ہوکر ہوٹل میں گھس گئی، ایک شخص جاں بحق

خوف کے سائے

صحافی کا کہناتھا کہ یہ سن کر دل دکھ سے بھر گیا کہ ایک عام آدمی اپنے حق کی بات کرنے سے بھی خوفزدہ ہو چکا ہے، اگر شہری کو سچ بولنے کی قیمت آذادی کی صورت میں ادا کرنی پڑے تو یہ لمحہ یقیناً انتہائی تشویش ناک ہے۔ یہی ہے وہ فضا جسے آج مریم نواز کے پنجاب کی حقیقت کہا جا رہا ہے۔

یہ بھی پڑھیں: کولمبیا کے صدارتی امیدوار قاتلانہ حملے میں شدید زخمی

سوشل میڈیا پر تبصرہ

"آج مریم نواز صاحبہ کے پنجاب میں مزدوروں کے انٹرویو کے لیے گیا تو ایک نہایت افسوسناک اور چونکا دینے والی صورتحال دیکھنے کو ملی۔ جب ان سے بات کرنے کی کوشش کی تو وہ کھل کر بولنے سے گریز کر رہے تھے۔ ان کا کہنا تھا کہ اگر ہم مہنگائی یا حالات کے خلاف بات کریں گے تو ہمیں اٹھا لیا جائے… https://t.co/8g4nQ6l6ko pic.twitter.com/bfxZBlFKj5

— Zaeem leghari (@Zaeemlegharii) February 22, 2026

زخم دل کی داستان

ویڈیو میں انہوں نے بتایاکہ یہ اس وقت خوفزدہ ہیں، ایک مزدور کا کہناتھاکہ سب ڈرے ہوئے ہیں، کوئی بات کریں تو پولیس اٹھا لیتی ہے۔ ایک اور شخص نے بتایاکہ کیا بات کریں، پکڑلیں گے، صبح 6 بجے آجاتے ہیں لیکن تیسرا دن ہے، کام نہیں ملا۔ ضعیم لغاری کاکہناتھا کہ یہ مریم نواز صاحبہ کا پنجاب ہے۔