کتنے بل پیش ہوئے اور کتنے منظور ۔۔؟ ،پنجاب اسمبلی کی 2 سالہ کارکردگی رپورٹ سامنے آگئی

پنجاب اسمبلی کی کارکردگی رپورٹ

لاہور (ڈیلی پاکستان آن لائن) کتنے بل پیش ہوئے اور کتنے منظور؟ پنجاب اسمبلی کی دو سالہ کارکردگی رپورٹ سامنے آگئی۔

یہ بھی پڑھیں: متحدہ عرب امارات کے سرمایہ کار انرجی سیکٹرز میں سرمایہ کاری کریں گے، وزیر توانائی ناصر شاہ سے قونصل جنرل کی ملاقات

بلوں کی تعداد

تفصیلات کے مطابق پنجاب اسمبلی میں دو سال میں 169 بل پیش اور 144 منظور ہوئے۔ رپورٹ کے مطابق دو سال میں پنجاب اسمبلی کے 38 اجلاسوں میں 154 نشستیں ہوئیں، ان میں مجموعی طور پر 169 بل پیش اور 144 منظور ہوئے ہیں۔

یہ بھی پڑھیں: چیک باؤنس کیس، بالی ووڈ اداکار راج پال یادیو گرفتار

حکومتی اور نجی بل

’’جنگ‘‘ کے مطابق اس دوران پنجاب اسمبلی میں 110 حکومتی بل پیش ہوئے، جن میں سے 97 منظور ہوئے جبکہ اراکین کے 59 نجی بل میں سے 47 منظور کیے گئے۔ دو برسوں میں 129 تحریک استحقاق پیش ہوئیں، 87 کمیٹی کو بھیجی اور 9 نمٹادی گئیں۔

یہ بھی پڑھیں: فرانسیسی بلدیاتی انتخابات، ایک پاکستانی نژاد میئر اور 7 کونسلر منتخب

تحریکات اور قراردادیں

پنجاب اسمبلی میں اس دوران 1189 تحریک التواء پیش اور 565 نمٹائی گئیں جبکہ 650 قراردادیں پیش اور 124 منظور ہوئیں۔

سوالات اور توجہ دلاؤ نوٹس

دو سال کے دوران پنجاب اسمبلی میں 5 ہزار 924 سوالات پوچھے گئے، جن میں 1494 کا جواب دیا گیا جبکہ 407 توجہ دلاؤ نوٹس پیش ہوئے، ان میں سے 76 کا جواب دیا گیا۔