ایپسٹین فائلز سکینڈل:برطانوی سیاسی حلقوں میں ہلچل، سابق سفیر گرفتار، ایوان بالا کی نشست بھی چھوڑ دی

ایپسٹین فائلز سکینڈل میں ہلچل

لندن (مانیٹرنگ ڈیسک) ایپسٹین فائلز سکینڈل نے برطانوی سیاسی حلقوں میں بھی ہلچل مچا دی، سابق سفیر کو گرفتار کرلیا گیا، اور انہیں ایوان بالا کی نشست بھی چھوڑنی پڑ گئی۔

یہ بھی پڑھیں: پنجاب کی مختلف بار کونسلوں کے انتخابات، پولنگ جاری، شیخوپورہ میں الیکشن مؤخر، کہاں کہاں کانٹے دار مقابلہ ہے ۔۔؟ اہم تفصیلات جانیے

سابق سفیر کی گرفتاری

تفصیلات کے مطابق برطانیہ کے سابق سفیر پیٹر مینڈیلسن کو بدنام زمانہ جنسی مجرم جیفری ایپسٹین کے ساتھ تعلقات کے انکشاف کے بعد لندن پولیس نے عہدے کے غلط استعمال کے شبے میں گرفتار کرلیا۔ برطانوی لیبر پارٹی کے رہنما پیٹر مینڈیلسن بطور برطانوی سفیر امریکہ میں تعینات تھے۔ گزشتہ سال جب ان کی جیفری ایپسٹین کے ساتھ دوستی کی نوعیت اور گہرائی سے متعلق تفصیلات سامنے آئیں تو انہیں ان کے عہدے سے برطرف کردیا گیا تھا۔

یہ بھی پڑھیں: ملکہ نفرتاری کا مقبرہ بھی بربادی سے نہ بچ سکا، قیمتی چیزیں چور اور لٹیرے لے اڑے، میں نے یہ حالات دیکھے تو اندر جانے سے صاف منکر ہوگیا

پارلیمنٹ سے استعفیٰ

’’جنگ‘‘ کے مطابق انہیں بطور سفیر برطرفی کے بعد پارلیمنٹ کے ایوان بالا میں اپنی نشست بھی چھوڑنی پڑی اور انہوں نے لیبر پارٹی سے بھی استعفیٰ دے دیا۔

یہ بھی پڑھیں: اسلام آباد میں فوج کو دئیے گئے نئے اختیارات: لاٹھی چارج اور گرفتاری شامل

پولیس کا بیان

لندن کی میٹروپولیٹن پولیس نے ایک بیان میں بتایا کہ سابق حکومتی وزیر سے متعلق تحقیقات کے سلسلے میں افسران نے ایک 72 سالہ شخص کو عہدے کے غلط استعمال کے شبے میں گرفتار کیا ہے۔ برطانوی پولیس نے پیٹر مینڈیلسن کو گزشتہ روز شام ساڑھے 4 بجے حراست میں لیا اور صبح 2 بجے تصدیق کی کہ 72 سالہ نامعلوم شخص کو مزید تفتیش کے لیے ضمانت پر رہا کر دیا گیا ہے۔

شاہی خاندان کے ساتھ تعلقات

واضح رہے کہ برطانیہ کے سابق سفیر کی یہ گرفتاری شاہ چارلس کے چھوٹے بھائی اینڈریو ماؤنٹ بیٹن ونزر کی ایپسٹین سکینڈل میں گرفتاری اور رہائی کے چند دن بعد عمل میں آئی۔ پیٹر مینڈیلسن پر الزامات ہیں کہ جب وہ وزیر اعظم گورڈن براؤن کی حکومت میں وزیر تھے تو انہوں نے جیفری ایپسٹین کو حساس دستاویزات بھیجی تھیں۔