عمران خان کی صحت کا معاملہ، عظمیٰ خان کی عبدالغفور انجم کے خلاف اندراج مقدمہ کی درخواست
عظمیٰ خان کی جانب سے ایف آئی آر کا اندراج
راولپنڈی (ڈیلی پاکستان آن لائن) سابق وزیراعظم اور چیئرمین پی ٹی آئی عمران خان کی ہمشیرہ عظمیٰ خان نے تھانہ صدر بیرونی (چوکی اڈیالہ) میں سابق سپرنٹنڈنٹ اڈیالہ جیل عبدالغفور انجم اور دیگر کے خلاف ایف آئی آر کے اندراج کے لیے درخواست جمع کرا دی ہے۔
یہ بھی پڑھیں: پاکستانی ٹیسٹ ٹیم کے کپتان شان مسعود نے نیا قومی ریکارڈ بنا دیا
الزامات کی تفصیلات
درخواست میں الزام عائد کیا گیا ہے کہ جیل حکام کی مجرمانہ غفلت اور دانستہ لاپرواہی کی وجہ سے عمران خان کی دائیں آنکھ کی بینائی شدید متاثر ہوئی ہے، جس کے لیے وہ متعلقہ حکام کے خلاف سخت قانونی کارروائی کا مطالبہ کرتی ہیں۔
یہ بھی پڑھیں: وہ گاڑیاں جن کے خلاف لاہور ٹریفک پولیس نے کریک ڈاون شروع کر دیا
نگرانی اور تحویل کی مدت
درخواست کے متن کے مطابق عمران خان جولائی 2024 سے 16 جنوری 2026 تک عبدالغفور انجم کی براہِ راست نگرانی اور تحویل میں رہے، جو بطور سپرنٹنڈنٹ قیدیوں کی صحت اور تحفظ کو یقینی بنانے کے قانونی طور پر پابند تھے۔
یہ بھی پڑھیں: وزیراعلیٰ خیبر پختونخوا کا 7 دسمبر کو پشاور میں جلسے کا اعلان
جبری تنہائی اور صحت کی صورتحال
عظمیٰ خان کا موقف ہے کہ نومبر 2025 سے عمران خان کو عملاً تنہائی میں رکھا گیا اور انہیں اپنے اہل خانہ، وکلاء اور ذاتی معالجین سے ملنے کی اجازت نہیں دی گئی۔ اس جبری تنہائی کا مقصد ان کی بگڑتی ہوئی طبی صورتحال کو چھپانا تھا۔ 11 فروری 2026 کو سپریم کورٹ میں جمع کرائی گئی ایک عدالتی معاون کی رپورٹ میں یہ ہوشربا انکشاف ہوا کہ عمران خان کی دائیں آنکھ کی بینائی تقریباً 85 فیصد تک ختم ہو چکی ہے。
یہ بھی پڑھیں: چین اور پاکستان کے درمیان ثقافتی تبادلے سے باہمی تفہیم اور معاشی ترقی کا فروغ
غفلت اور غیر انسانی سلوک کا الزام
عظمیٰ خان نے مزید کہا کہ بارہا شکایات کے باوجود عمران خان کو کسی ماہر امراض چشم کو نہیں دکھایا گیا اور تین ماہ تک انہیں صرف آئی ڈراپس دیے جاتے رہے جو کہ ان کی سنگین حالت کے لیے ناکافی تھے۔ درخواست گزار کا دعویٰ ہے کہ یہ غیر انسانی سلوک دانستہ طور پر کیا گیا تاکہ عمران خان کو بینائی سے محروم کرکے جسمانی نقصان پہنچایا جا سکے۔
خدشات اور درخواست کی استدعا
انہوں نے بتایا کہ 2 دسمبر 2025 کو جب ان کی عمران خان سے ملاقات ہوئی تو انہوں نے خدشہ ظاہر کیا تھا کہ "وہ مجھے مار دیں گے"۔ درخواست میں استدعا کی گئی ہے کہ تعزیراتِ پاکستان کی دفعہ 324 (اقدام قتل) اور دیگر متعلقہ دفعات کے تحت مقدمہ درج کر کے ذمہ داران کو قرار واقعی سزا دی جائے۔
