سعودی کابینہ کا اجلاس، پاکستانی وزارتِ داخلہ اور وزارتِ صحت سے معاہدوں کی منظوری دیدی

سعودی کابینہ کا اجلاس

ریاض (وقار نسیم وامق) سعودی ولی عہد شہزادہ محمد بن سلمان کی زیر صدارت سعودی کابینہ کا اجلاس منعقد ہوا۔ اس اجلاس میں سعودی کابینہ نے پاکستانی وزارت داخلہ اور وزارت صحت کے ساتھ دو طرفہ تعاون کے حوالے سے معاہدے کرنے کی اجازت دے دی۔

یہ بھی پڑھیں: صوبوں کا سائز چھوٹا کیا جائے جہاں ضرورت ہو نئے صوبے بنائے جائیں، سیاسی جماعتوں سے ہٹ کر انتظامی ماہرین پر مشتمل مستقل قومی کمیشن بنایا جائے۔

دو طرفہ معاہدوں کی منظوری

سعودی ولی عہد شہزادہ محمد بن سلمان کی زیر صدارت کابینہ کے اجلاس میں مختلف امور پر تبادلہ خیال کیا گیا۔ کابینہ نے سعودی وزارت داخلہ اور پاکستانی وزارت داخلہ کے درمیان سائنسی، تربیتی، اور تحقیقی تعاون کو بڑھانے کے حوالے سے دو طرفہ معاہدے پر دستخط کرنے کی منظوری دی۔

صحت کے شعبے میں تعاون

کابینہ نے سعودی اور پاکستانی صحت کی وزارتوں کے درمیان ریگولیشن اینڈ کوارڈینیشن سمیت تعاون کو فروغ دینے کے حوالے سے بھی معاہدے کرنے کی منظوری دی ہے۔