عمر کو چھوڑیں دل جوان ہونا چاہیے:جوان لڑکی سے شادی کرنے والے 60 سالہ حکیم بابر کا ناقدین کو جواب

راولپنڈی میں متنازعہ شادی

راولپنڈی (ڈیلی پاکستان آن لائن) عمر کے نمایاں فرق کے باوجود شادی کرنے والے راولپنڈی کے 60 سالہ حکیم بابر نے ناقدین کو جواب دیتے ہوئے ویڈیو پیغام میں کہا ہے کہ 'عمر صرف ایک عدد ہے' اور میں نے کوئی غلط کام نہیں کیا۔

یہ بھی پڑھیں: بھارت کا پاکستان کے خلاف اسرائیلی ساختہ ڈرون کا استعمال لیکن یہ کیا صلاحیت رکھتا ہے؟ تفصیلات سامنے آگئیں

سوشل میڈیا پر ہنگامہ

چکلالہ سکیم تھری میں ہونے والی اس شادی نے سوشل میڈیا پر ہنگامہ برپا کر دیا ہے۔ جیسے ہی نکاح کی خبر سامنے آئی، مختلف پلیٹ فارمز پر بحث و مباحثے کا سلسلہ شروع ہو گیا۔ سوشل میڈیا صارفین نے اس رشتے پر حیرت، تنقید اور حمایت جیسے مختلف ردِعمل کا اظہار کیا ہے۔

یہ بھی پڑھیں: پنجاب: موسم سرما میں سکول یونیفارم پالیسی میں نرمی کر دی گئی

حکیم بابر کا مؤقف

وائرل ویڈیو کلپ میں حکیم بابر نے بتایا کہ ہماری شادی بیک وقت ارینجڈ اور لو میرج ہے۔ پہلے دونوں ایک دوسرے کو پسند کرنے لگے، پھر باقاعدہ نکاح کے ذریعے رشتے کو قانونی اور مذہبی شکل دی گئی۔

یہ بھی پڑھیں: پاکستان اور بھارت نے شہریوں کی وطن واپسی کے بعد واہگہ اور اٹاری بارڈر کو بند کردیا

عمر کا کوئی معنی نہیں

ان کا کہنا ہے کہ عمر کوئی معنی نہیں رکھتی، اصل بات دل کی جوانی ہے۔ میری اہلیہ طلاق یافتہ تھیں، یہ اللّٰہ کا حکم اور سنت نبویؐ ہے۔ میں نے اس پر عمل کیا ہے، میں نے کوئی گناہ یا ناجائز کام نہیں کیا، پھر لوگ منفی تبصرے کیوں کر رہے ہیں؟

انہیں LOVE ہوا پھر ہم نے ارینج میرج کی۔ عمر کو چھوڑیں دل جوان ہونا چاہیے۔ وہ طلاق یاقتہ تھیں اور اللہ کا حکم ہے کہ طلاق یافتہ سے نکاح کریں، جوان لڑکی سے شادی کرنے والے 60 سالہ حکیم بابر کا ویڈیو پیغام جاری pic.twitter.com/O6Q7RHYqxB

— Rizwan Ghilzai (Remembering Arshad Sharif) (@rizwanghilzai) February 24, 2026

انہوں نے کہا کہ جو لوگ مجھ پر تنقید کر رہے ہیں، وہ خود غیر سنجیدہ تعلقات میں ملوث رہتے ہیں لیکن نکاح سے گریز کرتے ہیں۔

یہ بھی پڑھیں: ایم ڈبلیو ایف کے زیر اہتمام مستحقین عید میلہ رضاکار کنونشن کے ساتھ اختتام پذیر ہوگیا

نوجوان اہلیہ کا خیال

ان کی نوجوان اہلیہ نے بھی اپنے شوہر کے مؤقف کی تائید کرتے ہوئے کہا کہ جب محبت سچی ہو تو عمر کو مسئلہ نہیں بنانا چاہیے اور جب مناسب ساتھی مل جائے تو شادی میں تاخیر نہیں کرنی چاہیے۔

یہ بھی پڑھیں: توشہ خانہ ٹو کیس، بشریٰ بی بی کی حاضری سے استثنیٰ کی درخواست منظور

عید کے بعد عمرہ اور نیدرلینڈز کا سفر

جوڑے نے عیدالفطر کے بعد عمرے کی ادائیگی اور اس کے بعد نیدرلینڈز کے دورے کا بھی اعلان کیا ہے۔

سوشل میڈیا پر مختلف ردعمل

سوشل میڈیا پر اس شادی کے حوالے سے مختلف آراء سامنے آ رہی ہیں۔ بعض صارفین عمر کے بڑے فرق پر تشویش کا اظہار کر رہے ہیں، جبکہ کچھ افراد اس نکاح کو جائز قرار دیتے ہوئے شادی کے حق میں بات کر رہے ہیں اور غیر اخلاقی تعلقات کے مقابلے میں نکاح کو بہتر قرار دے رہے ہیں۔