پاکستان اور ورلڈ بینک میں ترقیاتی تعاون مضبوط بنانے پر اتفاق

پاکستان اور ورلڈ بینک کے درمیان ترقیاتی تعاون

اسلام آباد(ڈیلی پاکستان آن لائن) پاکستان اور ورلڈ بینک میں ترقیاتی تعاون مضبوط بنانے پر اتفاق ہوا ہے۔
وزارت خزانہ کے اعلامیہ کے مطابق وزیر خزانہ سینیٹر محمد اورنگزیب سے ورلڈ بینک کی کنٹری ڈائریکٹر نے ملاقات کی، جس میں عالمی بینک کی جانب سے پاکستان کے استحکام اور موسمیاتی اہداف میں تعاون کی یقین دہانی کرائی گئی۔

یہ بھی پڑھیں: حمزہ شہباز کا رمضان شوگر مل ریفرنس میں عدالت پیش نہ ہونے کا فیصلہ

ملاقات کی تفصیلات

ملاقات میں کنٹری پارٹنرشپ فریم ورک کے تحت اصلاحاتی ترجیحات پر تفصیلی گفتگو ہوئی۔

یہ بھی پڑھیں: امریکا میں ٹک ٹاک پر پابندی ٹل گئی، ٹرمپ کا چین کے ساتھ ڈیل کو قانونی قرار دینے کا فیصلہ

اہم شعبے زیر غور

وزارت خزانہ کے مطابق انسانی سرمائے، آبادی، موسمیاتی تبدیلی اور زراعت کے شعبے زیر غور آئے۔ وزیر خزانہ محمد اورنگزیب نے سی پی ایف پر مؤثر عملدرآمد پر زور دیا، وفاق اور صوبوں کے درمیان مضبوط ہم آہنگی کی ضرورت پر بھی زور دیا گیا، پالیسی سازی اور عملدرآمد میں وفاقی وزارتوں کی مؤثر شمولیت پر بات چیت ہوئی۔

یہ بھی پڑھیں: نیو یارک میراتھون میں پاکستانی رنرز کی نمایاں پرفارمنس،12 رنرز اپنی دوڑ چار گھنٹے سے کم وقت میں مکمل کرنے میں کامیاب رہے

منصوبوں میں شفافیت

اعلامیہ میں کہا گیا کہ منصوبوں میں شفافیت اور مانیٹرنگ میکانزم بہتر بنانے پر اتفاق ہوا، زراعت میں پیداواری صلاحیت اور ویلیو چین بہتر بنانے پر تبادلہ خیال کیا گیا۔

یہ بھی پڑھیں: پاکستان کا امریکی پابندیوں پر سخت ردعمل، فیصلہ متعصبانہ قرار دے دیا

زرعی اصلاحات اور مالیاتی پائیداری

وزیر خزانہ نے نجی شعبے کی شمولیت اور زرعی فنانس تک رسائی بڑھانے پر زور دیا، زرعی اصلاحات میں ورلڈ بینک اور آئی ایف سی کی حمایت کی یقین دہانی کرائی گئی، ملاقات میں توانائی شعبے کی اصلاحات اور مالیاتی پائیداری پر تبادلہ خیال ہوا۔

یہ بھی پڑھیں: 1995 میں پارٹی لیس انتخابات میں امیدواروں نے عوام دوست کا لیبل استعمال کیا تھا، کیا آپ نے پارٹی کی حیثیت کے بغیر کوئی ایسی اصطلاح استعمال کی؟ جسٹس حسن اظہر رضوی

تکنیکی مذاکرات کی جاری رہنا

ملاقات کے دوران پاکستان اور عالمی بینک کا تکنیکی سطح پر مذاکرات جاری رکھنے پر اتفاق ہوا، ورلڈ بینک کی پاکستان کے استحکام اور موسمیاتی اہداف میں تعاون کی یقین دہانی کرائی۔

حکومتی عزم

وزارت خزانہ کے مطابق حکومت نے ساختی اصلاحات اور گورننس بہتر بنانے کے عزم کا اعادہ کیا۔