لاہور ہائیکورٹ: بھارتی شہری کی درخواست پر اٹارنی مقرر کرنے پر دلائل طلب

لاہور ہائیکورٹ میں بھارتی شہری کی درخواست

لاہور(ڈیلی پاکستان آن لائن) لاہور ہائیکورٹ میں بھارتی شہری کرنیل سنگھ کی جانب سے اپنی اہلیہ سربجیت کور کے پاکستان میں نکاح کے خلاف دائر درخواست پر بطور اعتراض سماعت ہوئی۔ عدالت نے بھارتی شہری کی جانب سے پاکستانی شہری کو اٹارنی مقرر کرنے کے قانونی نکتے پر دلائل طلب کر لیے۔

یہ بھی پڑھیں: اونچی اونچی دنیا کی دیواریں سیاں توڑ کے، میں آئی ہوں تیرے لیے سار ا جگ چھوڑ کے۔ وفادار حسینہ کی یاد میں سرنگ کا نام ”میری جین ٹنل“ رکھ دیا گیا

جسٹس فاروق حیدر کی سماعت

جسٹس فاروق حیدر نے کیس کی سماعت کی، درخواست گزار کی جانب سے ایڈووکیٹ نواز شیخ اور ایڈووکیٹ علی چنگیزی سندھو پیش ہوئے۔ وکیل نے مؤقف اختیار کیا کہ کرنیل سنگھ نے سابق ایم پی اے مہندر پال سنگھ کو نمائندہ مقرر کر کے درخواست دائر کی جس میں کہا گیا کہ سربجیت کور 3 نومبر 2025 کو 10 روزہ یاتری ویزے پر پاکستان آئی تھیں۔

یہ بھی پڑھیں: علی امین گنڈا پور نے آزاد کشمیر الیکشن میں حصہ لینے والے امیدواروں سے کروڑوں روپے رشوت لی، ایجنسیوں کے پاس رپورٹس موجود ہیں، صحافی عمران ریاض خان کا دعویٰ

درخواست میں اہم نکات

درخواست میں کہا گیا کہ اہلیہ کو قابلِ اعتراض تصاویر کے ذریعے بلیک میل کر کے جبری طور پر مسلمان کیا گیا جبکہ ہندو میرج ایکٹ کے تحت مذہب کی تبدیلی سے پہلی شادی ختم نہیں ہوتی۔ رجسٹرار آفس نے سپیشل پاور آف اٹارنی کی محکمہ خارجہ سے تصدیق نہ ہونے پر اعتراض اٹھایا۔

یہ بھی پڑھیں: دفاع وطن کے لئے میجر طفیل محمد کی شہادت تاریخ کا روشن باب ہے: وزیر اعلیٰ مریم نواز

عدالت کے ریمارکس

دوران سماعت عدالت نے ریمارکس دیے کہ بھارتی شہری کس طرح پاکستان میں اپنا اٹارنی مقرر کر سکتا ہے، اس پر پاکستانی قوانین کے مطابق دلائل دیے جائیں۔ وکیل نے مؤقف اپنایا کہ عالمی انسانی حقوق کنونشن کے تحت یہ ممکن ہے، تاہم عدالت نے واضح کیا کہ اسے پاکستانی قوانین کے تناظر میں معاونت درکار ہے۔