راولپنڈی، 12 سالہ بچے سے مسجد میں مبینہ زیادتی، مقدمہ درج

واقعات کی تفصیل

راولپنڈی(آئی این پی) راولپنڈی کے تھانہ گوجر خان کے علاقے میں 12 سالہ بچے سے مبینہ زیادتی کے الزام میں پولیس نے مقدمہ درج کرلیا۔

یہ بھی پڑھیں: کالا باغ ڈیم: 1953 میں مسلم لیگ کی حکومت کے دوران شروع ہوا، 6 سال میں مکمل ہونا تھا، مگر سیاسی مخالفت اور مصلحتوں کے سبب مکمل نہ ہو سکا

مدعی کا بیان

مدعی مقدمہ کے مطابق اس کا 12 سالہ بیٹا گائو ں کے مدرسہ میں زیر تعلیم ہے، وہ گاؤں کی مسجد میں نماز پڑھنے گیا تھا۔ بیٹا اپنی ڈیوٹی کے مطابق بلائی منزل پر اذان دے کر فارغ ہوا تو تاک میں بیٹھے ابراہیم یاسین نے دبوچ لیا۔

یہ بھی پڑھیں: فیصل آباد میں خاوند نے گھریلو ناچاقی پر دوسری بیوی کی مدد سے پہلی کو گلا دبا کر قتل کر دیا

زیادتی کا واقعہ

ملزم نے بیٹے کو مبینہ زیادتی کا نشانہ بنایا اور ویڈیو بھی بناتا رہا۔ بعدازاں ملزم اور اس کے تین نامعلوم ساتھی بچے کو ویڈیو دکھا کر بلیک میل کرتے رہے کہ اگر کسی کو بتایا تو ویڈیو وائرل کردیں گے۔

یہ بھی پڑھیں: کتابوں کے بنڈل گم ہونے پر آپ کو کس طرح کی سزا بھگتنا پڑ سکتی ہے

ویڈیو وائرل ہونے کا اثر

بیٹا گھبرایا ہوا تھا اور پوچھنے پر بھی کچھ نہ بتایا۔ ملزمان نے ویڈیو وائرل کردی جس پر معلوم ہوا کہ بیٹے کو مبینہ زیادتی کا نشانہ بنایا گیا ہے۔ ویڈیو وائرل ہونے پر بچے نے بھی سب کچھ بتا دیا۔

یہ بھی پڑھیں: کراچی میں سیمنٹ وکٹ کی کرکٹ ختم نہیں ہونی چاہیے تھی، شاہد آفریدی

مدعی کی درخواست

مدعی کا کہنا تھا کہ بیٹے کو مبینہ زیادتی کا نشانہ بنا کر اور پھر نازیبا ویڈیو وائرل کر کے میری اور بیٹے کی عزت کو مجروح کیا گیا ہے۔ مبینہ زیادتی کرنے اور ویڈیو وائرل کرنے والوں کے خلاف مقدمہ درج کرکے گرفتار کیا جائے۔

پولیس کی کارروائی

پولیس نے مقدمہ درج کر کے تفتیش شروع کردی ہے، ملزمان کی گرفتاری کے لیے چھاپے مارے جارہے ہیں۔