پاکستانی ہنر مند محنت کشوں کے لیے ساڑھے 10 ہزار ویزے فراہم کیے جائیں گے، اٹلی نے یقین دہانی کرائی
اٹلی کی جانب سے ویزے سے استثنا
میڈرڈ(ڈیلی پاکستان آن لائن) وفاقی وزیر داخلہ محسن نقوی کے مطالبے پر اٹلی نے پاکستانی ڈپلومیٹک پاسپورٹ رکھنے والوں کو ویزے سے استثنا دینے کا اعلان کردیا۔
یہ بھی پڑھیں: لاکھوں روپے مالیت کی 1600 فٹ سے زائد ریلوے لائنیں چوری کرنے والا گروہ گرفتار
محسن نقوی کا دورہ اٹلی
وفاقی وزیر داخلہ محسن نقوی نے دورہ اٹلی میں اطالوی ہم منصب سے ملاقات کی۔ اس ملاقات میں اطالوی وزیر داخلہ نے پاکستانی اسکلڈ لیبر کے لیے ساڑھے 10 ہزار ویزے دینے کی یقین دہانی کروائی۔
غیر قانونی امیگریشن کے خلاف اقدامات
محسن نقوی نے اطالوی وزیر داخلہ کو غیر قانونی امیگریشن کے خلاف حکومت پاکستان کے موثر اقدامات سے آگاہ کیا۔ اطالوی وزیر داخلہ نے کہا کہ غیر قانونی امیگریشن، انسانی اسمگلنگ اور منشیات کی روک تھام کے لیے پاکستان کی کامیابیاں قابل تحسین ہیں۔
