وزیراعظم نریندر مودی انسٹاگرام پر 10 کروڑ فالوورز والے دنیا کے پہلے سیاستدان بن گئے

مودی کا نیا سنگ میل

نئی دہلی(ڈیلی پاکستان آن لائن) بھارتی وزیراعظم نریندر مودی سوشل میڈیا پلیٹ فارم انسٹاگرام پر 10 کروڑ فالوورز حاصل کرنے والے دنیا کے پہلے سیاستدان بن گئے ہیں۔

یہ بھی پڑھیں: ٹرمپ کی بھارت کو بڑا جھٹکا دینے کی تیاری، اربوں ڈالر کے نقصان کا اندیشہ

انسٹاگرام پر سفر کا آغاز

وزیراعظم مودی نے 2014ء میں انسٹاگرام جوائن کیا تھا اور گزشتہ ایک دہائی میں ان کا اکاؤنٹ دنیا کے سب سے زیادہ فالو کیے جانے والے سیاسی اکاؤنٹس میں شامل ہو گیا۔

یہ بھی پڑھیں: بھارتی ریاست جھاڑ کھنڈ میں جنگلی ہاتھی کے حملے، 20 افراد ہلاک، ہائی الرٹ جاری

مواد اور سرگرمیاں

وہ اس پلیٹ فارم پر سرکاری سرگرمیوں، غیر ملکی دوروں، عوامی رابطۂ مہمات، ثقافتی مواقع اور ذاتی لمحات کی جھلکیاں شیئر کرتے ہیں۔

مقابلہ اور مقبولیت

مودی کے فالوورز کی تعداد امریکی صدر ڈونلڈ ٹرمپ سے بھی دگنی سے زیادہ ہے، جن کے فالوورز تقریباً 4 کروڑ 32 لاکھ ہیں۔ بھارت کے اندر بھی مودی انسٹاگرام پر سب سے آگے ہیں، اتر پردیش کے وزیر اعلیٰ یوگی آدتیہ ناتھ دوسرے نمبر پر ہیں، جبکہ کانگریس کے رہنما راہول گاندھی تیسرے نمبر پر موجود ہیں۔