کیا 10 روپے کا نوٹ ختم ہونے جا رہا ہے؟ حکومتی کمیٹی کی رپورٹ سامنے آگئی
حکومت کی رپورٹ: 10 روپے کے نوٹ کا خاتمہ
اسلام آباد (ڈیلی پاکستان آن لائن) ملک میں چلنے والے 10 روپے کا نوٹ ختم کرنے کے حوالے سے حکومتی کمیٹی کی رپورٹ سامنے آ گئی۔
یہ بھی پڑھیں: غزہ میں نسل کشی اور اسرائیل کے توسیع پسندانہ اقدامات کسی صورت قابلِ قبول نہیں، اسحاق ڈار
کمیٹی کی تشکیل
ایکسپریس نیوز کے مطابق وزیر خزانہ کی سربراہی میں قائم اعلی سطحی کمیٹی نے کرنسی مینجمنٹ رپورٹ کابینہ کو ارسال کردی۔ یہ کرنسی مینجمنٹ رپورٹ اسٹیٹ بینک اور سیکیورٹی پرنٹنگ کارپوریشن قوانین کے تحت مرتب کی گئی ہے۔
یہ بھی پڑھیں: لیجنڈ کرکٹر جاوید میانداد کے اعزاز میں جدہ میں عشائیہ، خطاب میں کرکٹ بورڈ پر کڑی تنقید
10 روپے کے نوٹ کی اوسط عمر
آئی سی ایم اے رپورٹ کے مطابق 10 روپے کے کرنسی نوٹ کی اوسط عمر صرف 6 سے 9 ماہ ہے جب کہ 10 روپے کے سکے کی اوسط عمر 20 سے 30 سال ہوتی ہے۔ملک میں ہر سال چھپنے والے مجموعی نوٹوں کا تقریبا 35 فیصد حصہ 10روپے کے نوٹ پر مشتمل ہے۔
یہ بھی پڑھیں: پراپرٹی ڈیلرز نے خاتون کو کاغذات دینے کے بہانے بلا کر ایسا کام کردیا کہ روح کانپ اٹھے
اخراجات کی بچت
10 روپے کا سکہ متعارف کرنے سے 10سال میں کم از کم 40 سے 50ارب روپے کی بچت ہوگی، کیوں کہ 10روپے کے نوٹ کی چھپائی، تبدیلی اور انتظامی اخراجات کا تخمینہ 8 سے 10 ارب روپے ہے۔
سکہ تیار کرنے کی خصوصیات
رپورٹ کے مطابق سکہ تیار کرنے کی لاگت زیادہ مگر دہائیوں تک دوبارہ تیار کرنے کی ضرورت نہیں پڑتی۔
