وزیراعلیٰ پنجاب مریم نواز نے پاکستان کی تاریخ کی پہلی ای ٹیکسی سکیم کا باضابطہ افتتاح کر دیا

وزیراعلیٰ پنجاب کی پیشکش

لاہور (ڈیلی پاکستان آن لائن) وزیراعلیٰ پنجاب مریم نواز شریف نے پاکستان کی تاریخ کی پہلی ای ٹیکسی سکیم کا باضابطہ افتتاح کر دیا۔ یہ منصوبہ ماحولیاتی آلودگی میں کمی، روزگار کے مواقع کی فراہمی اور خواتین کو بااختیار بنانے کی جانب ایک اہم قدم قرار دیا جا رہا ہے。

یہ بھی پڑھیں: ججز کیلئے تالیاں نہ بجائیں، ججز ٹھیک ہوتے ہیں آپ انہیں خراب کر دیتے ہیں: چیف جسٹس

پہلا مرحلہ

پہلے مرحلے میں 1100 الیکٹرک وہیکلز تقسیم کی جا رہی ہیں جو لاہور سمیت صوبے کے بڑے شہروں میں ٹیکسی سروس کے طور پر چلیں گی۔ اسکیم میں خواتین کے لیے 30 فیصد کوٹہ مخصوص کیا گیا ہے جبکہ خواتین ڈرائیوروں کی گاڑیوں کا رنگ الگ ہوگا تاکہ مسافر آسانی سے پہچان سکیں۔ یہ منصوبہ ٹرانسپورٹ ویژن 2030 کا حصہ ہے اور اس کا مقصد صوبے میں ماحول دوست ٹرانسپورٹ کو فروغ دینا اور الیکٹرک وہیکلز کی عوامی سطح پر رسائی بڑھانا ہے۔

یہ بھی پڑھیں: پب میں لڑائی چھڑواتے ہوئے ایسا کام ہو گیا کہ لڑکی کی زندگی ہی بدل گئی

سرمایہ کاری اور مالی سہولیات

حکومت پنجاب نے اس اسکیم کے لیے 3.5 ارب روپے کی سبسڈی مختص کی ہے جو ڈاؤن پیمنٹ، سود کی ادائیگی اور دیگر اخراجات کو پورا کرے گی، ابتدائی مرحلے میں آن لائن درخواستوں کی آخری تاریخ اکتوبر 2025 مقرر کی گئی تھی اور ہزاروں درخواستوں میں سے قرعہ اندازی (بیلوٹنگ) کے ذریعے امیدواروں کا انتخاب کیا گیا۔

یہ بھی پڑھیں: سونے کی بالی گم ہونے پر شوہر نے بیوی کو جلا دیا

ڈاؤن پیمنٹ کی تفصیلات

اسکیم کے تحت مرد ڈرائیوروں کے لیے 50 فیصد جبکہ خواتین ڈرائیوروں کے لیے 60 فیصد ڈاؤن پیمنٹ حکومت ادا کرے گی۔ گاڑیوں کی رجسٹریشن، فٹنس ٹیسٹ اور ٹوکن ٹیکس کی فیس بھی حکومت برداشت کرے گی۔ باقی رقم 5 سالہ آسان اور بلاسود اقساط میں ادا کی جائے گی جس سے یہ منصوبہ مالی طور پر قابل رسائی بنے گا۔

یہ بھی پڑھیں: پاکستان کی بڑھتی ہوئی آبادی کی وجہ سے ساری منصوبہ بندی ناکام ہو رہی ہے: مصطفی کمال

حفاظتی اقدامات

ڈرائیوروں اور مسافروں کی حفاظت کو یقینی بنانے کے لیے ہر گاڑی میں پینک بٹن نصب کیا جائے گا جو پنجاب سیف سٹی اتھارٹی سے منسلک ہوگا تاکہ کسی بھی ہنگامی صورتحال میں فوری مدد فراہم کی جا سکے۔ ای ٹیکسی اسکیم کی گاڑیاں معروف رائیڈ شیئرنگ کمپنیوں ان ڈرائیو اور ینگو کے ساتھ رجسٹرڈ ہوں گی جس سے ڈرائیوروں کو مستحکم کمائی کے مواقع میسر آئیں گے۔