کسی کو پاکستان کا امن چھیننے کی اجازت نہیں دیں گے، افغانستان کو پرامن ہمسایہ بننا ہوگا: طلال چوہدری

پاک، افغان سرحد پر کشیدگی

اسلام آباد( ڈیلی پاکستان آن لائن ) وزیر مملکت برائے داخلہ طلال چوہدری نے پاک ،افغان سرحد پر کشیدگی پر ردعمل دیتے ہوئے ایک بار پھر واضح کیا ہے کہ کسی کو پاکستان کا امن چھیننے کی اجازت نہیں دیں گے۔ ہماری کوشش رہی ہے کہ معاملات بات چیت کے ذریعے حل کیے جائیں۔

یہ بھی پڑھیں: پاکستان کو اس وقت سیاسی استحکام اور قومی اتفاق رائے کی ضرورت ہے:صدر مملکت آصف علی زرداری

وزیر مملکت کی باتیں

وزیر مملکت برائے داخلہ طلال چوہدری نے کہا ہے کہ کسی کو پاکستان کا امن چھیننے کی اجازت نہیں دیں گے، اس وقت ہم افغان طالبان رجیم کو جواب دے رہے ہیں۔

یہ بھی پڑھیں: لاہور میں ڈی ایس پی عثمان حیدر کی بیوی اور بیٹی کے قتل کیس میں مزید انکشافات سامنے آگئے

تفصیلات کا اظہار

’’جیونیوز‘‘ کے پروگرام’’ آج شاہ زیب خانزادہ کے ساتھ‘‘ گفتگو کرتے ہوئے طلال چوہدری نے کہا کہ بھارت جس کے پاس فوج، طیارے اور ہتھیار بھی تھے اس کی کیا حالت ہوئی۔ پاکستان کے بازار اور مساجد میں بم دھماکے بالکل بھی برداشت نہیں ہوسکتے۔

پاکستان کا عزم

طلال چوہدری نے کہا کہ پاکستان اپنے عوام کے امن کے لیے کسی بھی حد تک جائے گا، افغانستان کو ہر صورت ایک پرامن ہمسایہ بننا ہوگا۔ چین سے لے کر امریکہ تک پوری دنیا کو افغانستان سے یہ شکایت ہے۔ پاکستان ذمہ دار ملک ہونے کی حیثیت سے اپنا کردار نبھا رہا ہے، جس صورت بھی ختم ہو یہ دہشتگردی اب ختم ہوگی۔