بھارت کی پاکستان میں دہشت گرد سرگرمیوں اور بیرونِ ملک کارروائیوں پر جوابدہی کی جائے: پاکستان

پاکستان کا ہندو پروپیگنڈے کا جواب

جنیوا (ڈیلی پاکستان آن لائن) - جنیوا میں اقوام متحدہ کی انسانی حقوق کونسل کے اجلاس کے دوران پاکستان نے بھارت کو دوٹوک جواب دے دیا۔ پاکستانی سفارت کار عدیل ممتاز کھوکھر نے بھارتی پروپیگنڈا مسترد کر دیا۔

یہ بھی پڑھیں: بلوچستان کابینہ کا اجلاس، اہم فیصلے، ’’بینک آف بلوچستان‘‘ کے قیام کی اصولی منظوری دیدی

مقبوضہ کشمیری سرزمین کی حیثیت

’’جنگ‘‘ کے مطابق عدیل ممتاز نے کہا کہ مقبوضہ جموں و کشمیر عالمی سطح پر تسلیم شدہ متنازع علاقہ ہے، یکطرفہ اقدامات، آبادی کا تناسب بدلنے یا انتخابی انجینئرنگ سے مقبوضہ کشمیر کی قانونی حیثیت تبدیل نہیں ہو سکتی۔ پاکستان کا مؤقف ہے کہ کشمیری عوام کے حقِ خودارادیت سے انکار ممکن نہیں، مقبوضہ کشمیر میں انسانی حقوق کی سنگین اور منظم خلاف ورزیاں اقوام متحدہ کے ریکارڈ پر ہیں۔

یہ بھی پڑھیں: مودی نے سیاست کے لیے کرکٹ کی سپرٹ تباہ کردی: خواجہ آصف

انسانی حقوق کی خلاف ورزیاں

پاکستانی سفارت کار نے کہا کہ مقبوضہ کشمیر میں جبری گرفتاریاں، اظہارِ رائے پر پابندیاں اور مواصلاتی بلیک آؤٹس پر پاکستان کو تشویش ہے۔

بھارت کی جوابدہی کا مطالبہ

انہوں نے بھارت کی پاکستان میں دہشت گرد سرگرمیوں اور بیرونِ ملک کارروائیوں پر جوابدہی کا مطالبہ کیا۔ عدیل ممتاز کھوکھر نے کہا کہ عالمی برادری بھارت کو بین الاقوامی قوانین کی پاسداری پر مجبور کرے۔