پاکستان کی مٹی کا ایک ایک ذرہ بنیان مرصوص بن کر لڑے گا، وزیر اعلیٰ پنجاب مریم نواز

وزیراعلیٰ پنجاب کا بیان

پنجاب (ڈیلی پاکستان آن لائن) وزیراعلیٰ پنجاب مریم نواز کا کہنا ہے کہ پاکستان کی مٹی کا ایک ایک ذرہ بنیان مرصوص بن کر لڑے گا، خوارج اور ہینڈلرز کا ہر وار الٹا پڑے گا۔ ہم مٹ جائیں گے مگر پاک سرزمین کی آبرو پر حرف نہیں آنے دیںگے۔

یہ بھی پڑھیں: جے ڈی ڈبلیو شوگر ملز نے فی شیئر 45 روپے منافع کی منظوری دے دی

خوارج کے بزدلانہ حملے کا ردعمل

وزیراعلیٰ پنجاب مریم نواز نے پاک افغان سرحد پر خوارج کے بزدلانہ حملے پر شدید ردِعمل دیتے ہوئے کہا کہ سلام ہے پاک فوج کو جنہوں نے پلک جھپکتے ہی دشمن کو منہ توڑ جواب دیا۔ خوارج، ان کے ہینڈلرز اور سپورٹرز پہلے بھی ذلیل ہوئے اب بھی ذلیل ہوں گے۔

پاک فوج کی بہادری

مریم نواز نے مزید کہا کہ سلام ہے پاک فوج کو جنہوں نے پلک جھپکتے ہی دشمن کا غرور خاک میں ملا دیا۔ پاکستان کی جغرافیائی حدود ہماری ریڈ لائنز ہیں جو کراس کرے گا ذلیل و رسوا ہوگا۔ پوری قوم اور ہماری سپاہ کا ہر جوان پاکستان کے وقار کا نگہبان ہے۔