قوم دہشتگردی کے ناسور کے خاتمے کے عزم میں اپنی افواج پاکستان کے ساتھ ہے،گورنر پنجاب کا آپریشن ’غضب للحق ‘پر پاک فوج کو خراج تحسین

لاہور (ڈیلی پاکستان آن لائن) گورنر پنجاب سردار سلیم حیدر خان نے آپریشن 'غضب للحق' پر پاک فوج کو خراج تحسین پیش کرتے ہوئے کہا ہے کہ افغان خارجیوں کے خلاف آپریشن سے ملک میں دہشتگردی کا قلع قمع ہو گا۔

یہ بھی پڑھیں: خیبر پختونخوا حکومت نے اپنے وسائل سے 63 میگاواٹ کے 3 پن بجلی منصوبے مکمل کر لیے

قومی سلامتی کے لیے عزم

نجی ٹی وی چینل جیو نیوز کے مطابق سردار سلیم حیدر کا کہنا تھا کہ پاک فوج اور سکیورٹی فورسز کے شہدا نے دہشتگردی کیخلاف جنگ میں لازوال قربانیاں دی ہیں۔ پاکستان ایک امن پسند ملک ہے لیکن ملک کی سالمیت پر سمجھوتہ نہیں کر سکتے۔

قوم کا عزم

ان کا کہنا تھا کہ قوم دہشتگردی کے ناسور کے خاتمے کے عزم میں اپنی افواج پاکستان کے ساتھ ہے۔