بانی پی ٹی آئی کو ہسپتال منتقل کرنے کی درخواست پر اعتراضات عائد

سپریم کورٹ میں عمران خان کی ہسپتال منتقلی کی درخواست

اسلام آباد (ڈیلی پاکستان آن لائن) - سپریم کورٹ نے بانی پی ٹی آئی عمران خان کو ہسپتال منتقل کرنے کی درخواست پر اعتراضات عائد کرتے ہوئے یہ درخواست واپس کردی ہے۔نجی ٹی وی چینل دنیا نیوز کے مطابق بانی پی ٹی آئی کے وکیل سردار لطیف کھوسہ اور نعیم پنجوتھہ چیف جسٹس سپریم کورٹ کی عدالت میں پیش ہوئے اور درخواست مقرر کرنے کی استدعا کی۔

یہ بھی پڑھیں: امن کی آشا کے لیے اہم ترین مسائل کا حل ضروری ہے جن میں کشمیر اور آبی دہشت گردی کے مسائل شامل ہیں، بھارت نے پاکستان کو کبھی دل سے تسلیم نہیں کیا

چیف جسٹس کا ریمارکس

چیف جسٹس یحییٰ آفریدی نے فرمایا کہ آپ کی درخواست اعتراضات کے ساتھ کل واپس کی جا چکی ہے۔ آپ کی درخواستیں تاحکم ثانی زیر التوا رہیں گی۔ چیف جسٹس نے مزید کہا کہ آپ کی ایسی کوئی درخواست زیر التوا نہیں ہے جس پر کارروائی کی جا سکے۔

یہ بھی پڑھیں: مفت 2 جی بی انٹرنیٹ اور 200 منٹس حاصل کرنے کا طریقہ جانئے

لطیف کھوسہ کی استدعا

اس معاملے پر لطیف کھوسہ نے کہا کہ ہم نے کل جلد سماعت کی درخواست دی تھی اور عدالت نے بانی پی ٹی آئی کے علاج کا حکم دیا تھا۔

یہ بھی پڑھیں: کچھ لوگوں کا نام آتے ہی ذہن میں بدتمیزی اور مار دھاڑ آتی ہے جبکہ شریف برادران کا نام ذہن میں آتے ہی ترقی ذہن میں آتی ہے، مریم نواز

جج کی وضاحت

چیف جسٹس پاکستان نے جواب دیا کہ عدالت نے حکم جاری نہیں کیا بلکہ حکومت نے یقین دہانی کرائی تھی۔ انہوں نے کہا کہ آپ عدالت کا فیصلہ دوبارہ پڑھ لیں، صحت کا ایشو زیر التوا نہیں ہے۔

یہ بھی پڑھیں: ایل این جی کارگوز کی منتقلی کا منصوبہ منظور، زرمبادلہ میں 1 ارب ڈالر کی بچت کا امکان

انسانی بنیادوں پر درخواست

لطیف کھوسہ نے مؤقف اپنایا کہ یہ درخواست سیاسی یا قانونی نہیں بلکہ انسانی بنیادوں پر ہے، جس پر چیف جسٹس نے کہا کہ انسانی بنیادوں پرہی میڈیکل چیک اپ کروایا گیا تھا۔

یہ بھی پڑھیں: یوکرین کا بحیرۂ روم میں روسی ’شیڈو فلیٹ‘ کے آئل ٹینکر پر پہلا حملہ

تبادلہ خیال دوران سماعت

دوران سماعت لطیف کھوسہ نے کہا کہ میری بات سمجھنے کی کوشش کریں، جس پر جسٹس شاہد بلال حسن نے کہا کہ آپ کو 1992 سے جانتا ہوں، آپ کیا بول رہے ہیں اور کس چینل سے بول رہے ہیں سب سمجھ رہا ہوں۔

یہ بھی پڑھیں: لاہور میں ٹرک کی موٹرسائیکل رکشہ کو ٹکر، 2خواتین سمیت 3 افراد جاں بحق

چیف جسٹس کی ہدایت

چیف جسٹس پاکستان نے مزید ریمارکس دیے کہ کھوسہ صاحب آپ سینئر وکیل ہیں، سپریم کورٹ کا طریقہ کار جانتے ہوں گے، رجسٹرار سے ملاقات کریں، اگر وہ اعتراضات کی کاپی نہ دیں تو عدالت آ سکتے ہیں۔

آخری سوال

اس موقع پر لطیف کھوسہ نے کہا کہ کل آرڈر ہوا ہے تو ہمیں ابھی تک کسی نے آگاہ کیوں نہیں کیا۔