بانی پی ٹی آئی کو ہسپتال منتقل کرنے کی درخواست پر اعتراضات عائد

سپریم کورٹ میں عمران خان کی ہسپتال منتقلی کی درخواست

اسلام آباد (ڈیلی پاکستان آن لائن) - سپریم کورٹ نے بانی پی ٹی آئی عمران خان کو ہسپتال منتقل کرنے کی درخواست پر اعتراضات عائد کرتے ہوئے یہ درخواست واپس کردی ہے۔نجی ٹی وی چینل دنیا نیوز کے مطابق بانی پی ٹی آئی کے وکیل سردار لطیف کھوسہ اور نعیم پنجوتھہ چیف جسٹس سپریم کورٹ کی عدالت میں پیش ہوئے اور درخواست مقرر کرنے کی استدعا کی۔

یہ بھی پڑھیں: مخصوص نشستیں نظر ثانی کیس: دیکھنا ہے الیکشن کمیشن نے آئین سے روگردانی کی یا سپریم کورٹ کے اکثریتی فیصلے نے، جسٹس امین الدین

چیف جسٹس کا ریمارکس

چیف جسٹس یحییٰ آفریدی نے فرمایا کہ آپ کی درخواست اعتراضات کے ساتھ کل واپس کی جا چکی ہے۔ آپ کی درخواستیں تاحکم ثانی زیر التوا رہیں گی۔ چیف جسٹس نے مزید کہا کہ آپ کی ایسی کوئی درخواست زیر التوا نہیں ہے جس پر کارروائی کی جا سکے۔

یہ بھی پڑھیں: حکومت ٹرانسپورٹ، انفراسٹرکچر اور ریل کے نظام کی ترقی پر تیزی سے کام کر رہی ہے، بلال اظہر کیانی

لطیف کھوسہ کی استدعا

اس معاملے پر لطیف کھوسہ نے کہا کہ ہم نے کل جلد سماعت کی درخواست دی تھی اور عدالت نے بانی پی ٹی آئی کے علاج کا حکم دیا تھا۔

یہ بھی پڑھیں: سوشل میڈیا انفلوئنسر کے حوالے سے این سی سی آئی اے کا کرپشن اسکینڈل، 4 افسران کے استعفے منظور کر لئے گئے

جج کی وضاحت

چیف جسٹس پاکستان نے جواب دیا کہ عدالت نے حکم جاری نہیں کیا بلکہ حکومت نے یقین دہانی کرائی تھی۔ انہوں نے کہا کہ آپ عدالت کا فیصلہ دوبارہ پڑھ لیں، صحت کا ایشو زیر التوا نہیں ہے۔

یہ بھی پڑھیں: عدالت نے مونس الہٰی کے اثاثے ضبط کرنے کی درخواست پرنیب سے جواب طلب کرلیا

انسانی بنیادوں پر درخواست

لطیف کھوسہ نے مؤقف اپنایا کہ یہ درخواست سیاسی یا قانونی نہیں بلکہ انسانی بنیادوں پر ہے، جس پر چیف جسٹس نے کہا کہ انسانی بنیادوں پرہی میڈیکل چیک اپ کروایا گیا تھا۔

یہ بھی پڑھیں: متعدد بار فلموں میں اداکاری کی پیش کش ہوئی :گلوکارہ شبنم مجید

تبادلہ خیال دوران سماعت

دوران سماعت لطیف کھوسہ نے کہا کہ میری بات سمجھنے کی کوشش کریں، جس پر جسٹس شاہد بلال حسن نے کہا کہ آپ کو 1992 سے جانتا ہوں، آپ کیا بول رہے ہیں اور کس چینل سے بول رہے ہیں سب سمجھ رہا ہوں۔

یہ بھی پڑھیں: چیٹ جی پی ٹی کی مدد سے لاکھوں کی رقم واپس لینے میں کامیاب ہوگیا، صارف کا دعویٰ

چیف جسٹس کی ہدایت

چیف جسٹس پاکستان نے مزید ریمارکس دیے کہ کھوسہ صاحب آپ سینئر وکیل ہیں، سپریم کورٹ کا طریقہ کار جانتے ہوں گے، رجسٹرار سے ملاقات کریں، اگر وہ اعتراضات کی کاپی نہ دیں تو عدالت آ سکتے ہیں۔

آخری سوال

اس موقع پر لطیف کھوسہ نے کہا کہ کل آرڈر ہوا ہے تو ہمیں ابھی تک کسی نے آگاہ کیوں نہیں کیا۔