بیرونِ ملک پاکستان کا مثبت تشخص اجاگر کرنا وقت کی اہم ضرورت ہے،ملک شرجیل اعوان

ملک شرجیل اعوان کا عمرہ کا سفر

برسلز (نمائندہ خصوصی) وزیراعظم پاکستان کے سابق مشیر برائے اوورسیز پاکستانی و معروف تھنک ٹینکر اور پاکستان مسلم لیگ (ن) یورپ کے ترقی پسند رہنما ملک شرجیل اعوان عمرہ کی سعادت حاصل کرنے کے لیے سعودی عرب روانہ ہوں گے۔

قیام کے دوران وہ حرمین شریفین میں حاضری دے کر اللہ تعالیٰ کے حضور ملک و قوم کی سلامتی، استحکام اور ترقی کے لیے خصوصی دعائیں کریں گے۔

یہ بھی پڑھیں: محکمہ موسمیات کی ملک کے مختلف علاقوں میں آج اور کل بارش کی پیشگوئی

پاکستانی کمیونٹی کے مسائل

ملک شرجیل اعوان اپنے دورہ سعودی عرب میں وہاں مقیم پاکستانی کمیونٹی سے ملاقاتیں بھی کریں گے اور اوورسیز پاکستانیوں کو درپیش مسائل، سرکاری سہولیات اور سرمایہ کاری کے مواقع پر تبادلہ خیال کریں گے۔

یہ بھی پڑھیں: پی سی بی نے قومی سلیکشن کمیٹی میں ردو بدل کرنے کا فیصلہ کر لیا، نجی نیوز چینل کا دعویٰ

پاکستان کا مثبت تشخص

صحافیوں سے گفتگو کرتے ہوئے انہوں نے کہا کہ بیرونِ ملک پاکستان کا مثبت تشخص اجاگر کرنا وقت کی اہم ضرورت ہے۔ کمیونٹی کو ایک پلیٹ فارم پر متحد کرنے کے لیے عملی جدوجہد کرنا ہوگی۔ اوورسیز پاکستانی ملک کا قیمتی سرمایہ ہیں اور انہیں پاکستان کے اداروں کی سروسز اور سہولتوں سے مکمل طور پر آگاہ کرنا ضروری ہے۔

یہ بھی پڑھیں: جنگ بندی کا احترام کریں اور مذاکرات دوبارہ شروع کریں: آسٹریلیا کا ایران اور امریکہ پر زور

پاکستان کی دفاعی قوت

ان کا کہنا تھا کہ افواجِ پاکستان نے جس انداز میں ملک کا دفاع کیا ہے اور پاکستان کا نام عالمی سطح پر ایک مضبوط اور باوقار ریاست کے طور پر ابھرا ہے، اس کا سہرا عاصم منیر کی قیادت کو جاتا ہے۔

یہ بھی پڑھیں: چین کے جوابی ٹیرف کی وجہ سے بے یقینی، امریکی ڈالر کی قیمت میں زبردست کمی

اقتصادی بہتری کی کوششیں

ملک شرجیل اعوان نے مزید کہا کہ پاکستان کی معیشت میں بہتری اور عالمی سطح پر ساکھ کی بحالی میں وزیراعظم شہباز شریف، وزیر خزانہ اسحاق ڈار اور وزیر داخلہ محسن نقوی کی شبانہ روز محنت شامل ہے، جنہوں نے دن رات کام کر کے ملک کو درست سمت میں گامزن کیا۔

یہ بھی پڑھیں: عراقی فضائیہ کے کمانڈر کی قیادت میں اعلیٰ سطحی دفاعی وفد کی پاک فضائیہ کے سربراہ ظہیر احمد بابر سدھو سے ملاقات

سرمایہ کاری کی اہمیت

انہوں نے کہا کہ وہ اپنے دورے کے دوران کمیونٹی کو آگاہ کریں گے کہ پاکستان اوورسیز پاکستانیوں کے لیے کیا عملی اقدامات کر رہا ہے اور وطن میں سرمایہ کاری کیوں اور کیسے فائدہ مند ثابت ہو سکتی ہے۔

ملک کی ترقی کا عزم

ان کا کہنا تھا کہ اب وقت آ گیا ہے کہ سب مل کر پاکستان کو مضبوط کریں اور قومی اداروں کے شانہ بشانہ کھڑے ہوں تاکہ ملک جلد ایشیا کا ٹائیگر بن سکے۔