قومی سلامتی پر کوئی سمجھوتہ نہیں ہوگا، پاکستان کے ایک ایک انچ کی حفاظت قومی فریضہ ہے: وزیر اعلیٰ سہیل آفریدی

پشاور: پاک افغان سرحدی صورتحال

پشاور (ڈیلی پاکستان آن لائن) پاک افغان سرحدی صورتحال پر وزیر اعلیٰ خیبرپختونخوا نے بیان جاری کرتے ہوئے کہا کہ پاک افغان سرحد پر حالیہ کشیدگی تشویشناک ہے۔ ہم صورتحال کا بغور جائزہ لے رہے ہیں۔

یہ بھی پڑھیں: ٹیسلا پائے: سولر چارجنگ اور سیٹلائٹ انٹرنیٹ سے جڑے موبائل فون جو ابھی حقیقت سے کافی دور ہیں

قومی فریضہ

نجی ٹی وی سما نیوز کے مطابق، وزیراعلیٰ سہیل آفریدی کا کہنا ہے کہ پاکستان کے ایک ایک انچ کی حفاظت ہم سب کا قومی فریضہ ہے۔ کسی کو سرحدی علاقوں کی سلامتی پر سمجھوتہ نہیں کرنے دیں گے۔ پاک افغان سرحد پر کسی بھی قسم کی اشتعال انگیزی اور بیرونی جارحیت کی مذمت کرتے ہیں۔ قومی سلامتی پر کوئی سمجھوتہ نہیں ہوگا۔

یہ بھی پڑھیں: جمہوریہ مالٹا کے اعزازی قونصل جنرل حسن محمود زیدی کا دورہ سندس فاؤنڈیشن، زیرعلاج بچوں میں تحائف تقسیم

حفاظتی اقدامات

وزیر اعلیٰ سہیل آفریدی نے کہا کہ پاک افغان کشیدگی کے تناظر میں متعلقہ اداروں سے مسلسل رابطے میں ہیں۔ سرحدی علاقوں کے عوام کا تحفظ حکومت کی اولین ترجیح ہے، اور سرحدی اضلاع میں عوام کی جان و مال کے تحفظ کے لیے ضروری اقدامات کیے جا رہے ہیں۔

عوامی خدشات اور انتظامات

انہوں نے کہا کہ پاک افغان کشیدگی کے باعث پیدا ہونے والی صورتحال پر عوامی خدشات سے آگاہ ہیں۔ وزیر اعلیٰ نے کسی بھی ہنگامی صورتحال سے نمٹنے کے لیے انتظامیہ کو الرٹ رہنے کی ہدایت جاری کر دی اور کہا کہ امن و استحکام کے لیے ذمہ دارانہ طرز عمل ناگزیر ہے۔