پنجاب کے تمام تعلیمی بورڈز نے نہم اور دہم جماعت کے سالانہ امتحانات کی ڈیٹ شیٹ جاری کر دی

میٹرک اور نہم جماعت کے امتحانات کی ڈیٹ شیٹ

لاہور(ڈیلی پاکستان آن لائن) پنجاب کے تمام تعلیمی بورڈز نے میٹرک اور نہم جماعت کے سالانہ امتحانات کی ڈیٹ شیٹ جاری کر دی۔

میٹرک کے امتحانات کی تاریخیں

اعلامیے کے مطابق میٹرک کے امتحانات کا آغاز 27 مارچ سے ہوگا۔ پہلا پرچہ عربی، کمرشل جغرافیہ اور تاریخ کا لیا جائے گا جبکہ میٹرک کا آخری پیپر 16 اپریل کو پنجابی اور تاریخِ اسلام کا ہوگا۔

نہم جماعت کے امتحانات کی تاریخیں

نہم جماعت کے امتحانات 17 اپریل سے شروع ہوں گے۔ پہلا پرچہ اکنامکس، جغرافیہ، وڈ ورک اور بجلی کی وائرنگ کا لیا جائے گا جبکہ آخری پیپر 8 مئی کو اسلامیات لازمی کا ہوگا۔