وزیر اطلاعات عظمیٰ بخاری کا نجی ٹی وی کے چیئرمین مظہر الحق صدیقی کے انتقال پر رنج و غم کا اظہار

وزیر اطلاعات اور ثقافت پنجاب کا اظہار افسوس

لاہور (ڈیلی پاکستان آن لائن) وزیر اطلاعات و ثقافت پنجاب عظمٰی بخاری نے ’’ہم ٹی وی‘‘ کے چیئرمین مظہر الحق صدیقی کے انتقال پر گہرے دکھ اور افسوس کا اظہار کیا ہے۔ انہوں نے مرحوم کی میڈیا انڈسٹری کے لیے خدمات کو خراجِ تحسین پیش کرتے ہوئے کہا کہ مظہر الحق صدیقی ایک باوقار اور باصلاحیت شخصیت تھے جن کی پیشہ ورانہ خدمات کو ہمیشہ یاد رکھا جائے گا۔

یہ بھی پڑھیں: اعظم سواتی کا پاسپورٹ کنٹرول لسٹ میں نام ڈالنے کیخلاف درخواست پر نیب، ایف آئی اے اور دیگر فریقین کو نوٹس جاری

دلی تعزیت اور ہمدردی

صوبائی وزیر اطلاعات و ثقافت نے سلطانہ صدیقی سے ان کے بھائی کے انتقال پر دلی تعزیت اور ہمدردی کا اظہار کیا۔ انہوں نے دعا کی کہ اللہ تعالیٰ مرحوم کو اپنے جوارِ رحمت میں اعلیٰ مقام عطا فرمائے اور لواحقین کو یہ صدمہ صبر و حوصلے کے ساتھ برداشت کرنے کی توفیق دے۔

یہ بھی پڑھیں: لاہور لٹن روڈ پر ریسٹورنٹ میں لوٹ مار کرنے والے تینوں ڈاکو مبینہ پولیس مقابلے میں ہلاک

غمی میں حکومت پنجاب کا ساتھ

عظمٰی بخاری نے کہا کہ دکھ کی اس گھڑی میں حکومت پنجاب اور وہ خود غمزدہ خاندان کے ساتھ کھڑی ہیں اور ان کے غم میں برابر کی شریک ہیں۔

دعائیں

انہوں نے مرحوم کے درجات کی بلندی اور اہل خانہ کے لیے صبرِ جمیل کی دعا بھی کی۔