پی ٹی اے نے موجودہ صورتحال میں سوشل میڈیا کے ذمہ دارانہ استعمال سے متعلق پبلک ایڈوائزری جاری کر دی

پاکستان ٹیلی کمیونیکیشن اتھارٹی کی پبلک ایڈوائزری

اسلام آباد (ڈیلی پاکستان آن لائن) پاکستان ٹیلی کمیونیکیشن اتھارٹی نے موجودہ صورتحال میں سوشل میڈیا کے ذمہ دارانہ استعمال سے متعلق پبلک ایڈوائزری جاری کر دی، شہریوں کو ہدایت کی ہے کہ وہ کسی بھی غیرمصدقہ، اشتعال انگیز یا گمراہ کن مواد کو شیئر یا فارورڈ کرنے سے گریز کریں۔ جو براہِ راست یا بالواسطہ طور پر قومی مفاد، عوامی نظم و نسق یا ریاستی اداروں کو نقصان پہنچا سکتا ہو۔

یہ بھی پڑھیں: ہسپتال سے ڈسچارج ہونے کے بعد خواجہ سعد رفیق کا موقف بھی آگیا

ذمہ داری کا مظاہرہ

پبلک ایڈوئزری میں کہا گیا ہے کہ موجودہ حساس قومی صورتحال کے پیش نظر سوشل میڈیا اور ڈیجیٹل پلیٹ فارمز کے استعمال میں ذمہ داری کا مظاہرہ کیا جائے۔ شہری صرف مستند اور سرکاری ذرائع پر مبنی معلومات یا مواد ہی شیئر کریں۔ افواہوں اور جعلی خبروں کو پھیلانے سے مکمل اجتناب کیا جائے۔ جعلی خبریں، افواہوں یا غلط معلومات پھیلانے پر متعلقہ قانونی کارروائی عمل میں لائی جا سکتی ہے۔

قومی ذمہ داری کا احساس

پی ٹی اے نے اپیل کی ہے کہ شہری قومی ذمہ داری کے جذبے کے ساتھ ایڈوئزری پر عمل کریں۔

پبلک ایڈوائزری: موجودہ حساس قومی صورتحال کے پیش نظر پاکستان ٹیلی کمیونیکیشن اتھارٹی (پی ٹی اے) تمام شہریوں سے اپیل کرتی ہے کہ وہ سوشل میڈیا اور ڈیجیٹل پلیٹ فارمز کے استعمال میں ذمہ داری کا مظاہرہ کریں۔

تمام شہریوں کو ہدایت کی جاتی ہے کہ وہ کسی بھی غیر مصدقہ، اشتعال انگیز یا… pic.twitter.com/SgxcKXMJ0H

— PTA (@PTAofficialpk) February 28, 2026